Mańyzdy zańdar toptamasy maquldandy

Palata depýtattary aldymen «2009 jylǵy 9 maýsymdaǵy Eýrazııalyq turaqtandyrý jáne damý qoryn qurý týraly shartqa ózgerister engizý týraly hattamany ratıfıkasııalaý týraly» zańdy qarap, maquldady. Eýrazııalyq turaqtandyrý jáne damý qoryn (ETDQ) tolyqqandy derbes halyqaralyq uıymǵa aınaldyrý trast-qorlardy paıdalanýǵa múmkindik beredi. Osy rette naqty jobalardy óteýsiz qarjy­landyrý maqsatymen nysa­naly jar­na­lardan qalyptas­tyrý onyń ereksheligi ekenin atap ótken jón. Sondaı-aq ETDQ-ǵa múshe elder úshin neǵurlym zama­naýı modeldik apparat­tardy qoldana otyryp, júıe­li makroekonomıkalyq monı­­torıng jáne ETDQ-ǵa qaty­sý­shy mem­leketterdegi makro­eko­no­­mı­kalyq ahýal men perspek­tıva­larǵa baǵalaý júrgizý kózdelgen.

Otyrys barysynda depýtattar bastamashy bolǵan «Qazaqstan Respýblıkasynyń keıbir zańnamalyq aktilerine turǵyn úı qurylysyna úlestik qatysý, avtomobıl joldary jáne múgedektigi bar adamdardy tasymaldaý jónindegi qyzmetterdi kórsetý máseleleri boıynsha ózgerister men tolyqtyrýlar engizý týraly» zań eki oqylymda qaralyp, maquldandy. Onyń negizgi maqsaty – turǵyn úıge qatysty jasalatyn kelisimderdiń ashyq­tyǵy men qaýipsizdigin arttyrý, múgedektigi bar adamdardyń júrip-turý jaǵdaılaryn jaq­sartý jáne avtojol salasyn jańǵyrtý.

«Maquldanǵan zań úlestik qurylys salasynda memleket­tik retteýdi kúsheıtýdi kózdeı­di. Osy maqsatpen úleskerler­diń quqyq­taryn qosymsha qor­ǵaý­dy qamtamasyz etetin túzetý­ler toptamasy engizildi. Zańda mú­gedektigi bar adamdardy ta­­sy­­maldaýǵa qatysty qyz­metti ońtaılandyrýdy kózdeı­tin ózgerister de bar. Sony­men qatar avtomobıl jol­daryn memlekettik basqarý­dyń negiz­derin jetildirýge baǵyttal­ǵan erejeler qarastyryl­dy. Jalpy, zań úleskerlerdi senim­siz qurylys kompanııa­lar­y­nan qorǵaýǵa, erekshe qajet­tiligi bar azamattardyń ómir súrý sapasyn jaqsartýǵa jáne basqa da ózekti máselelerdi sheshýge oń septigin tıgizedi dep senemiz», dedi M.Áshimbaev.

Naqty aıtqanda, belgilengen mindetterdi iske asyrý úshin salynyp jatqan úılerde turǵyn jáne turǵyn emes úı-jaılardy satyp alýǵa baılanysty aldyn ala sharttar jasasýǵa, sondaı-aq úleskerlerdiń aqshasyn tartý­ǵa ruqsatsyz jarnamalaýǵa tyıym salynady. Buǵan qosa salynyp jatqan turǵyn úı naryǵynda úleskerlerdiń aqsha­syn tartýdyń zańdylyǵyna qatysty jergilikti atqarýshy or­gandardyń monıtorıng júr­gizýi jáne úlestik qurylys kezinde qurylys júrgizýshilerge qoıylatyn talaptardy tómen­detý kózdelgen. Áleýmettik qyz­met­ter portaly jáne mem­leket­tik satyp alý arqyly ınva­taksıge qol jetkizýge, kórse­tile­tin qyzmetterdiń sapasyn baqylaýdy kúsheıtýge arnalǵan túzetýler de engizildi.

Senatorlar «Qazaqstan Respýblıkasynyń keıbir zań­namalyq aktilerine aza­mattyq qorǵaý, elektr energetıkasy jáne memlekettik múlikti basqarý máseleleri boıynsha ózgerister men tolyqtyrýlar engizý týraly» zańdy da eki oqylymda qarap, maquldady. Onyń negizgi erejeleriniń qata­ryn­da azamattyq qorǵaý organ­dary qyzmetkerleriniń márte­­besin bekitý, áleýmettik jaǵda­ıyn arttyrý, seısmıkalyq qaýipsiz­dikti qamtamasyz etý, seıs­mo­lo­gııalyq baqylaý jeli­sin jáne erte habarlaý júıesin keńeıtý ári jańǵyrtý baǵyt­taryn qamtıtyn normalar bar.

«Maquldanǵan zań azamattyq qorǵaýdyń memlekettik júıesin odan ári jetildirýge arnalǵan aýqymdy túzetýler toptamasyn qamtıdy. Atap aıtqanda, tótenshe jaǵdaılardyń aldyn alýǵa baǵyttalǵan normalar bar. Túzetýler aıasynda jahan­dyq nemese óńirlik aýqymdaǵy tótenshe jaǵdaılardy azaıtý úshin qurylatyn respýblıkalyq jedel shtabtyń qyzmeti de belgilendi. Sondaı-aq ózgeris­ter azamattyq qorǵaý organdary qyzmetkerleriniń áleý­met­tik qor­ǵalýyn kúsheıtý­ge negiz bola­dy. Zańda elektr energııa­syn óndirý sektorynyń ınves­tısııalyq tartymdy­lyǵyn qamtamasyz etýdi jáne memlekettik múlikti basqarý júıesin jetildirýdi kózdeıtin normalar da qarastyrylǵan», dedi spıker.

Osy oraıda endi órttiń aldyn alýǵa jáne sóndirýge baı­lanysty is-sharalarǵa erikti órt sóndirýshi retinde qatysý­ǵa jumyldyrylǵan qyzmet­kerlerdiń eńbek kepildikteri saqtalatynyn da atap ótken jón.

Sonymen qatar palata otyrysynda «Nysanaly kapıtal qorlary jáne endaýment-qorlar (nysanaly kapıtaldar) týraly» zań jáne oǵan «Qazaqstan Respýblıkasynyń keıbir zańnamalyq aktilerine nysanaly kapıtal qorlarynyń jáne endaýment-qorlardyń (nysanaly kapıtaldardyń) qyzmeti, sondaı-aq Aral mańy­nyń qazaqstandyq bóliginiń ekologııalyq qolaısyz aýmaǵy máseleleri boıynsha ózgerister men tolyqtyrýlar engizý týraly» ilespe zań da eki oqylymda qaraldy. Ondaǵy normalar nysanaly kapıtal qorlary men endaýment-qorlardyń qyzmetin retteıtin quqyqtyq negiz qalyptastyrady. Qordyń bilim berý, ǵylym, ınnovasııalyq qyzmet jáne buqaralyq sport salalarynda qoldaý kórsetetin maqsattary men mindetteri de aıqyndaldy. Dári-dármekpen qamtamasyz etý, medısınalyq qyzmet kórsetý jáne halyqty áleýmettik qorǵaý baǵyttary da basty nazarda bolady. Talqy­laý nátıjesinde depýtattar zańdardy maquldady.