Stansııa Jaıyq ózeniniń jaǵasynda ornalasqan jáne sońǵy tehnıkalyq standarttar boıynsha jabdyqtalǵan. Keshenge ákimshilik ǵımarat, qutqarý tehnıkasyna arnalǵan angar jáne kezekshi aýysymda táýlik boıy turýǵa arnalǵan jataqhana kiredi.
Jańa baza qutqarýshylar jumysynyń tıimdiligin edáýir arttyrdy. Ashylǵan sátten bastap mamandar Jaıyq ózeninde kúndelikti reıdter men patrýldeý júrgizýde, sý aıdyndarynda qaýipsizdik erejelerin saqtaý boıynsha halyq arasynda profılaktıkalyq jumystardy júzege asyrady, sondaı-aq tótenshe jaǵdaılarǵa jedel den qoıady.
Jyl basynan beri Atyraý oblysy TJD qutqarýshylary sýda 163 reıd ótkizdi. Súńgýirlik-izdestirý is-sharalary aıasynda 3 adam, onyń ishinde bir bala qutqaryldy. Sonyń ishinde jańa qutqarý bólimshesiniń kúshimen 2 adam, onyń ishinde bala qutqaryldy.
Jańa stansııa qurý sýdaǵy qaýipsizdik deńgeıin arttyrýdaǵy mańyzdy qadam boldy, kez kelgen tótenshe jaǵdaılarǵa jedel áreket etýge múmkindik beredi. Atyraý oblysy TJD oqıǵalardyń aldyn alý jáne adam ómirin qutqarý boıynsha óz jumysyn jalǵastyrady.
