Tergeý derekterine qaraǵanda, er adam balasyn dárigerge qaratýǵa alyp kelip, qabyldaý kezinde medısına qyzmetkerlerine qol kótergen. Polısııany oqıǵa ornyna dárigerlerdiń áriptesteri shaqyrǵan. Atalǵan fakti boıynsha Qylmystyq kodekstiń 107-baby («Densaýlyqqa qasaqana ortasha aýyrlyqtaǵy zııan keltirý») jáne 380-baby («Bılik ókiline nemese onyń ókili retinde áreket etetin tulǵaǵa kúsh qoldaný») boıynsha is qozǵaldy.
Qazirgi tańda zardap shekken eki dáriger oblystyq aýrýhananyń shuǵyl neırohırýrgııa bóliminde em qabyldap jatyr. Olardyń jaǵdaıy – ortasha aýyr. Dıagnozy: mıdyń shaıqalýy, murynnyń synýy, deneniń túrli jerlerindegi kógerýler men jumsaq tinderdiń gematomasy.
Densaýlyq saqtaý mınıstri Aqmaral Álnazarova arnaıy baryp, jaraqat alǵan medısına mamandarynyń jaǵdaıymen tanysty. Mınıstr dárigerlerdiń densaýlyǵy men qaýipsizdigi – memleket nazaryndaǵy mańyzdy másele ekenin aıtyp, bul oqıǵanyń ádil tergelýin talap etti.
