2025 jylǵy 17 maýsymda ótken kezdesýde ınnovasııalar men tehnologııalardy quqyqtyq qorǵaý máseleleri, óńirlik dıalogty damytý jáne turaqty ári tehnologııaǵa negizdelgen ózara is-qımyl tetikterin ilgeriletý joldary talqylandy.
Jıynǵa Qazaqstan, Qyrǵyzstan, Tájikstan jáne Qytaı Halyq Respýblıkasynyń zııatkerlik menshikke jaýapty memlekettik organdarynyń ókilderi qatysty. Sonymen qatar, sharaǵa baıqaýshy retinde Dúnıejúzilik zııatkerlik menshik uıymynyń (WIPO) О́tpeli jáne damýshy ekonomıkasy bar elder departamentiniń dırektory Habıp Asan qatysty.
Kezdesý barysynda strategııalyq josparlaý, sıfrlyq tehnologııalardy, onyń ishinde jasandy ıntellektini qoldaný máseleleri keńinen sóz boldy.
Qazaqstannyń Zııatkerlik menshik quqyǵy komıtetiniń tóraǵasy Sholpan Ábdreeva óz sózinde «Ortalyq Azııa – Qytaı» formatyndaǵy yntymaqtastyqty júıeli jáne mazmundy jumys júrgizýge arnalǵan tıimdi alań retinde atap ótti. Ol sondaı-aq sıfrlyq ekonomıkanyń syn-qaterlerin eskere otyryp quqyqtyq retteýdi jetildirý, daýlardy sheshý tetikterin damytý, iskerlik ortaǵa qolaıly jaǵdaı jasaý jáne zamanaýı sıfrlyq sheshimderdi engizý – ózara múddeli baǵyttar ekenin jetkizdi.
Kezdesý qorytyndysynda taraptar óńirlik deńgeıde praktıkalyq yntymaqtastyqty tereńdetýge nıetti ekenderin rastap, birlesken málimdeme qabyldady.
