Temirjol ótkeli qurylysyna baqylaý qatań

Osyndaı aýqymdy joba shahardyń Eńbekshi aýdany, Momynov kóshesi boıyndaǵy temirjol ótkelinde de qolǵa alyndy. Kúrdeli nysan­dy salýǵa qurylysshylar ótken jyldan bastap kirisken. Jaýapty sala ókilde­riniń aıtýynsha, mer­diger kompanııa qurylys ju­mystarynyń 30%-yn oryndap qoıdy. Injenerlik jelilerdi qaıta ornatý jumysy to­ly­ǵymen aıaqtaldy. О́tkeldi bıyl­ǵy jyldyń sońyna qaraı paı­dalanýǵa berý josparlanyp otyr. Jobanyń nátıjesinde kólik keptelisi azaıy­p, jol qozǵalysy jaqsara túsedi.

Qurylys barysyn zerdeleý, baqylaý maqsatynda arnaıy jumysshy toby quryldy. Onyń quramynda sybaılas jemqorlyqqa qarsy is-qımyl agenttiginiń Shym­kent qala­lyq departamentiniń eriktileri, «Jol aktıvteri sapasynyń ult­tyq ortalyǵy» Shymkent qalalyq fılıalynyń mamandary men qalalyq jolaý­shylar kóligi jáne avtomobıl joldary basqarmasynyń ókilderi bar. Eriktiler men sala maman­dary tikeleı nysan basyna baryp, qurylystyń qalaı júrip jatqanyn óz kóz­derimen baqylady. О́tkeldiń sapasyn qurylys normasyna qatysty tekserip, belgilengen talaptarǵa sáıkestigin muqııat zerdeledi.

«Salynyp jatqan nysannyń temirbeton konstrýksııalary-nyń sapasyn tekserip shyqtyq. Sonymen qatar jol-qurylys materıaldarynan synamalar alynyp, olardyń normatıvtik talaptarǵa sáıkestigin anyq­tadyq. Jol qurylysy – ma­ńyzdy joba. Kún saıyn júz­degen kólik ótetin ótkel sapaly bolýy shart. Sapasyz sa­lynǵan nysan erteńgi kúni memleketke qosymsha shyǵyn. Odan birinshi kezekte qarapaıym kólik júrgizýshileri zardap shegedi. Sondyqtan jol qurylysy sapasyna baqylaýdy qazirden kúsheıtý kerek», dedi «Jol aktıvteri sapasynyń ulttyq ortalyǵy» RMK Shymkent qala­lyq fılıaly sapa jáne má­li­mettik esep bóliminiń basshysy Lutfýlla Kenjaev.

Jumysshy top kópir qury­lysynda qoldanylyp jatqan materıaldardyń sapasyna erekshe nazar aýdardy. Sonymen qatar nysandaǵy qurylys qar­qyny men eńbek qaýipsizdigi sharalary qanshalyqty saq­talyp jatqanyn da saralady.

«Qurylys jumysynyń sa­pasy men belgilengen ta­lap­tar­ǵa sáıkestigin qoǵam bolyp nazarǵa alý, baqylap-tekserý – ashyqtyqty qamtamasyz etýdiń, sybaılas jemqorlyqtyń aldyn alýdyń nemese qaýpin azaıtýdyń birden-bir tetigi. Sybaılas jemqorlyq qurylys salasynda da kóp. Sonyń saldarynan qurylys sapasy nasharlaıdy. Oǵan birinshi sebep – sapasyz qurylys materıaldaryn paı­dalaný, sodan soń qurylys jumysynyń norma men erejege saı atqarylmaýy. Qazirde Prezıdent tapsyrma­symen elimizde sybaılas jem­qorlyqqa qarsy kúres kú­sheıip jatyr. О́tkel sapasyn ba­qylaıtyn ju­mysshy top qu­rýdaǵy maqsat ta osy. Sondyqtan erik­tiler men mamandar nysan tolyq salynyp bitkenshe qurylys jumystaryna turaq­ty monıtorıngti jal­ǵas­tyra beredi», dedi zerdeleý to­bynyń volonteri Jasmın Áshimova.

Zerdeleý qorytyndysy bo­ıynsha sarapshy top nysan­daǵy qurylys sapasynyń bar­lyq tehnıkalyq talaptarǵa saı ekenin anyqtaǵan. Iаǵnı olar qury­lysqa «óte jaqsy» degen baǵa berip otyr.

Jańa temirjol ótkeli – qala­nyń shyǵys bóligin ortalyqpen baılanystyratyn, kólik qoz­ǵalysyn jeńildetip, jol-kólik kep­te­lisin azaıtatyn ma­ńyzdy ın­fraqurylymdyq joba. О́tkeldiń qurylys ju­mystaryna qalalyq jolaýshy­lar kóligi jáne avtomobıl joldary basqarmasy da turaqty baqylaý júrgizedi. Mamandar qurylystyń ár­bir kezeńiniń belgilengen talaptarǵa saı oryndalýyn muqııat qada­ǵalap otyr. Jol qurylysy men sapa­syna jaýapty meke­meniń derek­terine súıensek, bıyl Shym­kent qalasynda 342 kóshege asfalt tóseý jumystary júrip jatyr. Onyń 43,7 sha­qyrymy qaıta jańǵyrtylyp, 17,1 shaqy­rymy kúrdeli jóndeýden ótedi. 323 kóshege ortasha jóndeý ju­mystary júrgiziledi. Ol shama­men 201 shaqyrym joldy qu­raıdy.

ShYMKENT