SÝ TASQYNYNAN ZARDAP ShEKKEN ELDI MEKENDER JAŃARYP, QONYS TOILARYN О́TKIZÝDE
Qyzylaǵashtyqtardyń qýanyshy barshanyń mereıi. О́ıtkeni, Elbasy bıylǵy naýryz aıynda tasqynnan keıin turǵyndardyń jan jarasyn jazýǵa jedel, ári naqty tapsyrma berse, el-jurt bar yqylas-nıetimen qamqorlyq jasaǵanyn kim umytsyn. “Kóp túkirse – kól”, degen. Memleketten de, halyqtan da qarjylaı, zattaı, azyq-túlik, taǵy basqa zattar úzdiksiz kelip jatty.
“Almaty–О́skemen” kúre jolymen ary-beri aǵylǵandar bel asqannan qyzyl, jasyl shatyrly ásem úıler men jasyl jelek jamylǵan mekendi kórip, qyzyǵady. Sol umytylmas 12 naýryzdan beri 110 kún ótipti. Boı kótergen aýyl jańa ǵasyrda jasarǵan, jańarǵan desek, asyra aıtylmaǵany. Dese de “Batyrmyn dep maqtanba, Jeńip qaıtpaı, Jaqsymyn dep maqtanba, Halyq aıtpaı” demekshi, qıyndyqty jeńgen batyrlyq, sol kezde yntymaq pen birlikti ustanǵany jaqsylyq ekenin jurtshylyq jıi qaıtalaıdy. Judyryq jumylyp, bilek birikkende qıyndyqqa jol joqtyǵy dáleldendi. Buǵan deıin atalǵan eldi mekende 365 turǵyn úı qaıta salynyp, bar jıǵan-tergeninen bir sátte aırylǵandarǵa teledıdar, úı jıhazy, gaz, tósek-oryn berilip, basqa da turmystyq jeńildikter jasalǵan-dy.
Qyzylaǵash aýylynda sársenbiniń sátinde, ıaǵnı 30 maýsymda taǵy da qonys toıy ótti dúrkirep. Jańa sán-saltanaty jarasqan Mádenıet úıindegi mereıge bul joly da oblys ákimi Serik Úmbetov qatysty. Tasqyn bolǵannan beri turǵyndarmen jıi kezdesken basshyny osyndaǵy eńkeıgen káriden jas balaǵa deıin jazbaı tanıtyn bolypty. Amandyq-saýlyq, kúndelikti tirshilik máselesi sóz boldy. Kóktemdegi keleńsizdikti qozǵamaı, tek búgingi mereıdiń shýaǵyna shomylǵandar erteńgi kúnderine senimdi ekendikterin bildirýde.
Aýyldyń batysyndaǵy shatyrly qalashyq orny bosap, úıli bolǵandar jańa qonysqa kóshipti. Kúnniń aptap ystyǵyna qaramastan Mádenıet úıine jınalǵan halyq ta, balalar da máz.
Halyq aldynda sóz alǵan oblys ákimi Serik Úmbetov áńgimesin áriden bastady.
– Kóktemdegi tasqynnan keıingi jylaǵan ana, jylaǵan bala, ákeniń jabyrqaǵan júzderi áli de kóz aldymnan ketpeıdi. Bul umytylatyn oqıǵa emes. Meniń sol kezdegi kóńil-kúıimdi ózim ǵana bilemin. Bir túnniń bir shyǵatyn kúni bolady. Sol kezde túsken eńsemizdi Memleket basshysy Nursultan Nazarbaevtyń naqty tapsyrmasy, demeýi, qoldaýy tiktedi. Qazaqstandyqtardyń peıili men qamqorlyǵyn sezindik. Elbasynan bastap, barshaǵa sizderdiń attaryńyzdan alǵys aıtamyn. Búgin elimizdiń júregi Astananyń týǵan kúni qarsańynda bas qosyp otyrmyz. Bul merekeniń elimiz úshin orny bólek. Barlyq óńirdegi qala, aýyl Astanaǵa qarap boı túzeıdi, ondaǵy el ómirin órkendetýge baılanysty syndarly saıasatpen qarýlanyp, ony júzege asyrýǵa bar kúsh-jigerin jumyldyrady. Bul úrdis osy aýylda da óris alýda. Búgin mine, taǵy da 102 jańa úı men qaıta jóndeýden ótken 20 úıdiń kiltin ıelerine tapsyramyz. Sondaı-aq Mádenıet úıi, aýdandyq IIB tirek qosyny, “Qazposhta” men aýyldyq okrýg ákimdiginiń ǵımarattary, Allanyń úıi – meshit kúrdeli jóndeýden ótkizildi. Bul nysandar búginnen bastap halyq ıgiligine qyzmet etedi, dep ár otbasyna baqyt, qýanysh, bereke-birlik tiledi.
Qyzylaǵashta qalpyna keltirý jumystary qolǵa alynǵan 19 naýryzdan bergi merzimde 400-den astam jańa úı salyndy. Barlyq turǵyndarǵa 25 túrli jıyntyqtan turatyn úı jıhazynan bastap, turmysqa qajettiliktermen qamtylǵanyn aıtýǵa bolady.
Budan keıin ákimniń qolynan jańa úıdiń kiltin alǵan Nesipjamal Alshynbaeva tolqı sóıledi.
– Kórip tursyzdar, Qyzylaǵash qyzyqqa toldy. Jaınap, jasardy. Kóshe de, úı de ásem. Tasqynnan keıin sý basqan úıimizdiń ornyna áıteýir baspana salyp berse degen oıda boldyq. Osyndaı sáýletti úıge kiremiz degen joq edik. Otbasymnyń qýanyshyn aıtyp jetkize almaımyn. Halqyn súıgen, onyń taǵdyryna alańdaǵan Memleket basshysyna, qurylysshylarǵa alǵys aıtamyn, – dedi.
Jınalǵandar aldynda Saılaý Aldabergenov sóılep, bata berdi.
Al QazMUÝ-dyń stýdenti, osy aýyldyń turǵyny Ilesken Álbatyr jyrdan shashý shashsa, taǵy basqalar sóılep, tasqynnan beri kezeńdegi aýyl turǵyndaryna jaǵdaı jasalǵanyn jetkizip, aýyldastary atynan Memleket basshysy Nursultan Nazarbaevqa, jalpy kómek kórsetken qazaqstandyqtarǵa izgi nıetterin bildirdi.
Tasqyn sý aınalyp ótken 200 adam minájat etetin meshit te kúrdeli jóndeýden ótipti. Oblys ákimi bastaǵan halyq qurban shalyp, árýaqtarǵa Quran baǵyshtady.
Mádenıet úıindegi jıyn sońy “Qazaqkonsert” óner ujymynyń qyzylaǵashtyqtarǵa arnalǵan qaıyrymdylyq konsertine ulasty.
Kúmisjan BAIJAN.
Almaty oblysy.
Qyzylaǵashtyqtardyń qýanyshy barshanyń mereıi. О́ıtkeni, Elbasy bıylǵy naýryz aıynda tasqynnan keıin turǵyndardyń jan jarasyn jazýǵa jedel, ári naqty tapsyrma berse, el-jurt bar yqylas-nıetimen qamqorlyq jasaǵanyn kim umytsyn. “Kóp túkirse – kól”, degen. Memleketten de, halyqtan da qarjylaı, zattaı, azyq-túlik, taǵy basqa zattar úzdiksiz kelip jatty.
“Almaty–О́skemen” kúre jolymen ary-beri aǵylǵandar bel asqannan qyzyl, jasyl shatyrly ásem úıler men jasyl jelek jamylǵan mekendi kórip, qyzyǵady. Sol umytylmas 12 naýryzdan beri 110 kún ótipti. Boı kótergen aýyl jańa ǵasyrda jasarǵan, jańarǵan desek, asyra aıtylmaǵany. Dese de “Batyrmyn dep maqtanba, Jeńip qaıtpaı, Jaqsymyn dep maqtanba, Halyq aıtpaı” demekshi, qıyndyqty jeńgen batyrlyq, sol kezde yntymaq pen birlikti ustanǵany jaqsylyq ekenin jurtshylyq jıi qaıtalaıdy. Judyryq jumylyp, bilek birikkende qıyndyqqa jol joqtyǵy dáleldendi. Buǵan deıin atalǵan eldi mekende 365 turǵyn úı qaıta salynyp, bar jıǵan-tergeninen bir sátte aırylǵandarǵa teledıdar, úı jıhazy, gaz, tósek-oryn berilip, basqa da turmystyq jeńildikter jasalǵan-dy.
Qyzylaǵash aýylynda sársenbiniń sátinde, ıaǵnı 30 maýsymda taǵy da qonys toıy ótti dúrkirep. Jańa sán-saltanaty jarasqan Mádenıet úıindegi mereıge bul joly da oblys ákimi Serik Úmbetov qatysty. Tasqyn bolǵannan beri turǵyndarmen jıi kezdesken basshyny osyndaǵy eńkeıgen káriden jas balaǵa deıin jazbaı tanıtyn bolypty. Amandyq-saýlyq, kúndelikti tirshilik máselesi sóz boldy. Kóktemdegi keleńsizdikti qozǵamaı, tek búgingi mereıdiń shýaǵyna shomylǵandar erteńgi kúnderine senimdi ekendikterin bildirýde.
Aýyldyń batysyndaǵy shatyrly qalashyq orny bosap, úıli bolǵandar jańa qonysqa kóshipti. Kúnniń aptap ystyǵyna qaramastan Mádenıet úıine jınalǵan halyq ta, balalar da máz.
Halyq aldynda sóz alǵan oblys ákimi Serik Úmbetov áńgimesin áriden bastady.
– Kóktemdegi tasqynnan keıingi jylaǵan ana, jylaǵan bala, ákeniń jabyrqaǵan júzderi áli de kóz aldymnan ketpeıdi. Bul umytylatyn oqıǵa emes. Meniń sol kezdegi kóńil-kúıimdi ózim ǵana bilemin. Bir túnniń bir shyǵatyn kúni bolady. Sol kezde túsken eńsemizdi Memleket basshysy Nursultan Nazarbaevtyń naqty tapsyrmasy, demeýi, qoldaýy tiktedi. Qazaqstandyqtardyń peıili men qamqorlyǵyn sezindik. Elbasynan bastap, barshaǵa sizderdiń attaryńyzdan alǵys aıtamyn. Búgin elimizdiń júregi Astananyń týǵan kúni qarsańynda bas qosyp otyrmyz. Bul merekeniń elimiz úshin orny bólek. Barlyq óńirdegi qala, aýyl Astanaǵa qarap boı túzeıdi, ondaǵy el ómirin órkendetýge baılanysty syndarly saıasatpen qarýlanyp, ony júzege asyrýǵa bar kúsh-jigerin jumyldyrady. Bul úrdis osy aýylda da óris alýda. Búgin mine, taǵy da 102 jańa úı men qaıta jóndeýden ótken 20 úıdiń kiltin ıelerine tapsyramyz. Sondaı-aq Mádenıet úıi, aýdandyq IIB tirek qosyny, “Qazposhta” men aýyldyq okrýg ákimdiginiń ǵımarattary, Allanyń úıi – meshit kúrdeli jóndeýden ótkizildi. Bul nysandar búginnen bastap halyq ıgiligine qyzmet etedi, dep ár otbasyna baqyt, qýanysh, bereke-birlik tiledi.
Qyzylaǵashta qalpyna keltirý jumystary qolǵa alynǵan 19 naýryzdan bergi merzimde 400-den astam jańa úı salyndy. Barlyq turǵyndarǵa 25 túrli jıyntyqtan turatyn úı jıhazynan bastap, turmysqa qajettiliktermen qamtylǵanyn aıtýǵa bolady.
Budan keıin ákimniń qolynan jańa úıdiń kiltin alǵan Nesipjamal Alshynbaeva tolqı sóıledi.
– Kórip tursyzdar, Qyzylaǵash qyzyqqa toldy. Jaınap, jasardy. Kóshe de, úı de ásem. Tasqynnan keıin sý basqan úıimizdiń ornyna áıteýir baspana salyp berse degen oıda boldyq. Osyndaı sáýletti úıge kiremiz degen joq edik. Otbasymnyń qýanyshyn aıtyp jetkize almaımyn. Halqyn súıgen, onyń taǵdyryna alańdaǵan Memleket basshysyna, qurylysshylarǵa alǵys aıtamyn, – dedi.
Jınalǵandar aldynda Saılaý Aldabergenov sóılep, bata berdi.
Al QazMUÝ-dyń stýdenti, osy aýyldyń turǵyny Ilesken Álbatyr jyrdan shashý shashsa, taǵy basqalar sóılep, tasqynnan beri kezeńdegi aýyl turǵyndaryna jaǵdaı jasalǵanyn jetkizip, aýyldastary atynan Memleket basshysy Nursultan Nazarbaevqa, jalpy kómek kórsetken qazaqstandyqtarǵa izgi nıetterin bildirdi.
Tasqyn sý aınalyp ótken 200 adam minájat etetin meshit te kúrdeli jóndeýden ótipti. Oblys ákimi bastaǵan halyq qurban shalyp, árýaqtarǵa Quran baǵyshtady.
Mádenıet úıindegi jıyn sońy “Qazaqkonsert” óner ujymynyń qyzylaǵashtyqtarǵa arnalǵan qaıyrymdylyq konsertine ulasty.
Kúmisjan BAIJAN.
Almaty oblysy.
