Foto: Qarjy mınıstrligi
Usynystyń aldynda QR Qarjy mınıstrligi Londonda roýdshoý ótkizip, oǵan shamamen 180 iri ınvestor qatysty. Eýrooblıgasııalarǵa degen suranys usynystan eki ese asyp tústi, bul Eýropa, AQSh, Azııa jáne Taıaý Shyǵys elderinen kelgen ártaraptandyrylǵan ári sapaly ınvestorlardyń joǵary qyzyǵýshylyǵyn kórsetti.
Munaı baǵasynyń kúrt tómendeýi, geosaıası turaqsyzdyq jáne bazalyq mólsherlemelerdiń qubylmalylyǵy sııaqty kúrdeli naryqtyq jaǵdaılarǵa qaramastan, Qarjy mınıstrligi óte básekege qabiletti tabystylyqpen ornalastyrýǵa qol jetkizdi. Alynǵan kiristilik deńgeıi nesıelik reıtıngi joǵary (A/AA) Polsha, Saýd Arabııasy, Chılı sııaqty elderdiń kórsetkishterimen salystyrýǵa keledi jáne BBB reıtıngindegi Meksıka, Perý, Vengrııa sekildi elderden aıtarlyqtaı tómen boldy.
Atap aıtqanda, Qazaqstan bıylǵy jyly A/BBB reıtıngindegi elder arasynda eń tómengi mólsherlemelerdiń birimen oblıgasııalardy ornalastyrý boıynsha rekord ornatty.
Mundaı tıimdi tabystylyq deńgeılerine eldiń myqty makroekonomıkalyq kórsetkishteri – turaqty ekonomıkalyq ósim, tómen memlekettik qaryz jáne joǵary syrtqy rezervter arqasynda qol jetkizildi.
Memleket basshysynyń bastamasymen júrgizilip jatqan salyq-bıýdjet salasyndaǵy reformalar men saıası ózgerister halyqaralyq ınvestorlardyń Qazaqstanǵa degen senimin edáýir arttyrdy.
Bul ornalastyrý bolashaqta ulttyq kompanııalar men jeke sektor emıtentterdiń shyǵarylymy úshin benchmark belgileýge múmkindik berdi.
Eýrooblıgasııalar London qor bırjasynda, Astana halyqaralyq qarjy ortalyǵynyń bırjasynda jáne Qazaqstan qor bırjasynda lıstıngke engiziledi.
