Foto: Ashyq derekkóz
Advokattyń aıtýynsha, alǵashqy sot úkimi 21 maýsymda zańdy kúshine engen. Osy kúnnen bastap sottalǵandardyń apellıasııaǵa shaǵymdanýǵa 15 kúni bar.
«Qazirgi tańda barlyq sottalǵandar men olardyń qorǵaýshylary apellıasııalyq shaǵymdaryn tapsyrdy. Tek Shyńǵys Belǵojaev pen kámeletke tolmaǵan Dýman Ysqaq ázirge shaǵym túsirgen joq», dedi Shekeev.
Esterińizge sala keteıik, 5 maýsymda Taldyqorǵan qalalyq sotynda atalǵan qylmystyq is boıynsha toǵyz aıyptalýshyǵa úkim shyqqan bolatyn.
Tergeý deregi boıynsha, basty aıyptalýshy Abzal Shynasyl 23 jylǵa ortasha qaýipsizdik mekemesinde bas bostandyǵynan aıyryldy. Ravıl Sakıevke — 20 jyl, Azamat Toqtaýbaevqa — 15 jyl, Nurqııas Ilıasovqa — 9 jyl túrme jazasy taǵaıyndaldy.
Shyńǵys Belǵojaev, Darhan Askentaı, Nurbol Toqtaýbaev jáne Dıdar Qalıahmet – árqaısysy 7 jyldan jaza aldy.
Al kámeletke tolmaǵan Dýman Ysqaq 1 jyl 6 aı merzimge sottaldy.
