Keńeske ákimdikterdiń, sondaı-aq «KEGOC» AQ, «Samuryq-Energo» AQ, «QTJ» UK» AQ, «QazTransGaz Aımaq» AQ ulttyq kompanııalarynyń ókilderi men energııa kásiporyndarynyń basshylary qatysty.
Keńes barysynda elektr energetıkasy nysandaryndaǵy jóndeý jumystaryn júrgizý, jetkizilgen otyn úshin bereshekti óteý jáne energııa kózderinde otynnyń normatıvtik qoryn qamtamasyz etý máseleleri qaraldy.
Keńes qorytyndysy boıynsha jergilikti atqarýshy organdar men energııa kásiporyndaryna kelesi mindetter júkteldi:
•elektr stansııalarynda jáne elektr jelilerinde barlyq jóndeý jumystaryn ýaqtyly jáne sapaly oryndaýdy qamtamasyz etý;
•jóndeýden keıin negizgi jabdyqtardy iske qosýdyń merzimderin saqtaý boıynsha baqylaýdy kúsheıtý;
•jetkizilgen otyn úshin bereshekti óteý jumystaryn uıymdastyrý;
•kommýnaldyq qyzmet tutynýshylarynyń debıtorlyq bereshegin jáne energııamen jabdyqtaýshy uıymdardyń kredıtorlyq bereshegin azaıtý boıynsha sharalar qabyldaý;
•elektr energııasyn óndirý jáne tutyný rejımin saqtaý;
•jylytý maýsymynyń basyna deıin energııa kózderiniń qoımalarynda otynnyń normatıvtik qoryn qalyptastyrý;
•óndiristik qaýipsizdik sharalaryn kúsheıtý.
Atalǵan komıtet kúzgi-qysqy kezeńge daıyndyq barysyna turaqty monıtorıng júrgizip, yqtımal táýekelderdiń aldyn alý úshin ýaqtyly áreket etedi.
