Foto: Ashyq derekkóz
Jezqazǵan qalasynda jalpy uzyndyǵy 398 shaqyrym bolatyn jylý jelisi bar. Atalǵan ınfraqurylym 1951 jyly paıdalanýǵa berilgen, búginde tozý deńgeıi 56,6%-dy quraıdy. 1969 jyly iske qosylǵan 8 sorǵy stansasy jumys isteıdi. Qazirgi tańda jylý jelilerindegi shyǵyn 35–40%-ǵa deıin jetip, jylýmen qamtý sapasyna keri áserin tıgizip jatyr. Bul jańa qurylystardy júıege qosýǵa kedergi keltirip otyr.
«Jezqazǵan qalasynyń keńeıýin jáne salynyp jatqan jańa Batys aýdanyn jylýmen qamtamasyz etý qajettiligin eskere otyryp, rekonstrýksııalaý men jańǵyrtý boıynsha bastapqy joba túzetildi: qubyrlardyń dıametri 800 mm-den 1000 mm-ge deıin, al rekonstrýksııalaýǵa jatatyn jelilerdiń uzyndyǵy 11,4 shaqyrymnan 12,3 shaqyrymǵa deıin ulǵaıtyldy», delingen habarlamada.
Rezervten bólingen qarjy 98 myńnan astam turǵyny bar Jezqazǵan qalasynyń jylý jelilerin sapaly daıyndaýǵa jáne aldaǵy jylytý maýsymynda úzdiksiz qyzmet kórsetýge múmkindik beredi.
