Foto: Ashyq derekkóz
Senator Evgenıı Bolgerttiń suraǵyna jaýap bergen Úkimet basshysy ekonomıkalyq ósimdi qamtamasyz etý maqsatynda jeńildetilgen qarjylandyrý tetikteri paıdalanylyp jatqanyn atap ótti.
«Úkimet «Báıterek» arqyly úlken baǵdarlamany iske qosty. Byltyr holdıngtiń tetikteri arqyly ekonomıkaǵa shamamen 4 trln teńge baǵyttaldy. Bıyl bul kólem kem degende 8 trln teńge bolýy tıis degen mindet qoıyldy. Osy maqsatta «Báıterek» holdınginiń kapıtalyna qosymsha 1 trln teńge bólinedi. Bıýdjet múmkindikteri shekteýli bolǵanymen, bul mindetti oryndaýǵa bolady», dedi Premer-mınıstr.
Onyń aıtýynsha, bul tásil joǵary bazalyq mólsherleme jaǵdaıynda da bıznesti qoljetimdi qarjylandyrýmen qamtamasyz etýge múmkindik beredi.
«Qazirgi 20 paıyzdyq mólsherlememen nesıe alý kásipkerler úshin óte qıyn. Mundaı jaǵdaıda qaryzǵa qyzmet kórsetý aýyr bolatyny túsinikti. Sondyqtan biz mólsherlemeni 12,6 paıyzǵa deıin tómendetýdi kózdep otyrmyz», dedi Oljas Bektenov.
