Foto: Úkimet, telegram
Sýmen tolyq qamtylǵan óńirler: Almaty, Aqtóbe, Atyraý, Batys Qazaqstan, Qyzylorda, Mańǵystaý, Soltústik Qazaqstan, Túrkistan oblystary men Jetisý, Ulytaý oblystarynyń qalalary. Mańǵystaý oblysynyń aýyldyq jerlerinde de sýmen tolyq qamtýǵa qol jetkizildi.
Al qala turǵyndaryn sýmen qamtý deńgeıi 99,3%-dy qurap otyr. 90 qalanyń 73-in aýyz sýmen tolyq qamtamasyz etýge qol jetkizildi. E.Naǵaspaevtyń aıtýynsha Astana, Almaty, Shymkent, Qaraǵandy, Semeı qalalaryn qosa alǵanda, qalǵan 17 qalada osy jyldyń sońyna deıin tolyq qamtamasyz etiledi.
Mınıstrdiń derekteri boıynsha aýyldyq jerlerde sýmen jabdyqtaý qyzmetterine qol jetkizý deńgeıi 97,5%-ǵa jetedi. Eldiń 6148 aýylynyń 5679-y sýǵa qol jetkize alady.
Úkimettiń baspasóz qyzmetiniń málimdeýinshe aýyldardyń kóbi – 4 420 (94,8%), ortalyqtandyrylǵan júıelerge qosylǵan, al 999-da (2,6%) keshendi blok-modýlder ornatylǵan. Qalǵan 469 aýylda (halqy 164,7 myń adam) ortalyqtandyrylǵan júıelerge qosý nemese blok-modýlderdi ornatý jumystary respýblıkalyq jáne jergilikti bıýdjetter esebinen júrgizilip jatyr.
