Foto: Ashyq derekkóz
Oblystyq prokýratýranyń habarlaýynsha, júrgizilgen tekserý barysynda kásiporynnyń sýarý jáne kúl úıindilerin qurǵatý kezinde ekologııalyq talaptardy saqtamaǵany belgili bolǵan. Sonyń saldarynan aýada shamadan tys shańdaný tirkelgen.
«Qaraǵandy oblysynyń Ekologııa departamentine «Prokýratýra týraly» Konstıtýsııalyq zańnyń 26-babyna sáıkes tekserý júrgizý týraly talap joldandy. Ekologııa departamenti júrgizgen tekserý zań buzýshylyq faktilerin rastady. Kúl úıindisin rekýltıvasııalaý qorshaǵan ortaǵa shyǵarýǵa ruqsatsyz jáne memlekettik ekologııalyq saraptamanyń oń qorytyndysynsyz júrgizilgeni anyqtaldy», delingen habarlamada.
Tekserý nátıjesi boıynsha «GRES Topar» JShS-ǵa 55 mıllıon teńge kóleminde ákimshilik aıyppul salynǵan. Bul soma qorshaǵan ortaǵa keltirilgen zııandy ishinara óteýge baǵyttalady.
