Sharýashylyq • 08 Shilde, 2025

Mal sharýashylyǵyn damytýǵa jeńildikpen nesıe beriledi

50 ret
kórsetildi
1 mın
oqý úshin

Prezıdenttiń aýyl sharýashylyǵyndaǵy jalpy ónimdi eki esege kóbeıtý týraly tapsyrmalaryn oryndaý aıasynda sharýalarǵa jeńildikpen kredıt alýǵa múmkindik beretin eki baǵdarlamany iske qosý josparlanyp otyr, dep habarlaıdy Egemen.kz Úkimettiń baspasóz qyzmetine silteme jasap.  

Mal sharýashylyǵyn damytýǵa jeńildikpen nesıe beriledi

Foto: Úkimet

Mal sharýashylyǵyn qoldaýǵa jáne kásiporyndy aınalym qarajatymen qamtamasyz etýge arnalǵan qarjylandyrýdyń jalpy kólemi 100 mlrd teńgeni quraıdy.

Birinshi baǵdarlama iri qara men usaq maldyń asyl tuqymdy mal basyn satyp alýǵa 50 mlrd teńge bólýdi kózdeıdi. Sharýalar jyldyq 5 paıyzben «uzaqmerzimdi» nesıe ala alady. Taǵy 50 mlrd teńge aǵymdaǵy qarjylandyrý tetikterine uqsas, jyldyq mólsherlemesi 5 paıyzdan aspaıtyn aınalym qarajatyn kredıtteýge baǵyttalatyn bolady.

Sońǵy jańalyqtar