Foto: Oqu-agartu ministrligi
21 eldiń oqýshylary qatysqan bilim báıgesi eki negizgi kezeńnen turdy: teorııalyq jáne eksperımenttik. Ár qatysýshy jeke esepte eki baǵyt boıynsha baǵalanyp, 5 oqýshy elge 10 marapatpen oraldy.
Oqý-aǵartý mınıstrliginiń habarlaýynsha, kúmis medal ıegerleri: Roman Cheremnov – Almaty qalasy «Mıras» mektebiniń 11-synyp oqýshysy; Taır Ábdiqadyr – Qostanaı oblystyq «Bilim-ınnovasııa» lıseıiniń 10-synyp oqýshysy; Altaır Akanov – Astana qalasyndaǵy RFMM-niń 11-synyp oqýshysy; Ilııas Qazymbek – Almaty qalasyndaǵy RFMM-niń 10-synyp oqýshysy. Al qola medal ıegeri: Danıel Tıýlıýbaev – Astana qalasy «NURORDA» mektep-lıseıniń 11 synyp oqýshysy.
Sondaı-aq, teorııalyq aınalym nátıjeleri boıynsha Roman Cheremnov, Ilııas Qazymbek 1-dárejeli dıplomǵa, Danıel Tıýlıýbaev, Taır Ábdiqadyr, Altaır Akanov 2-dárejeli dıplomǵa ıe boldy.
