Oqýshylardyń ozyq ıdeıasy

Jaqynda bul aýqym­dy jıyn AQSh-tyń Florıda shtatyn­daǵy Orlando qalasynda ótti. Oǵan jan-jaqtan jeńimpazdar jınaldy. Bizdiń oqýshylar tanystyrylymda óz jobalaryn jaqsy ashyp kórsete bildi. Ásirese jobanyń ǵylymılyǵy men tereń fılosofııasy qazylar múshelerin úlken áserge qal­dyr­dy. Qazylar qura­my da olqy emes. Olar «NASA» ın­je­ner­leri, astrofızık­ter, zert­­teý­shi­ler men ár elden kelgen bedeldi bıznesmenderden qu­ral­ǵan.

Oqýshylar jasaǵan joba «YURT» dep atalady. Bul ataý qazaq­­tyń kıiz úı qurmetine qoıylǵan. Bir jaǵynan, kıiz úı – halqymyz úshin kıeli dúnıe. Rámizdik máni de zor.

Aıta keteıik, «YURT» jobasy jerdegideı tartylys kúshi bar, 30 myń adam uzaq ýaqyt ómir súre alatyn avtonomdy orbıtalyq stan­sa retinde ázirlengen. Joba­ǵa jabyq ekojúıeler, jer men basqa ǵalamshar arasyndaǵy logıs­­­tıkalyq baılanys, sondaı-aq turaqty energetıka men re­sýrstyq ınfraqurylym kirgen.

«Elimiz ǵarysh qaýym­das­ty­ǵy­nyń bir bóligi sanalady. Sony­men qatar osy baǵyt­taǵy ǵy­lymı damý jumystaryn úzbeı jal­ǵastyryp keledi. Biz jasaǵan stan­sanyń da óz erek­she­ligi bar. Bul joba da bir kúni iske asar dep senemiz. Eń mańyzdysy – ǵarysh salasy týraly ıdeıalarymyzdy álem­men bóliskenimizge qýanysh­ty­myz», deıdi joba ­avtorlary.

Tanystyrylym barysynda oqýshylar óz jobalary ja­ıynda qyzyqty baıandama jasady. Oǵan «International Space Elevator Consortium» uıymynyń bas sáý­let­­shisi, doktor Pıter A.Sýon tán­ti boldy. Ol bizdiń bala­lardyń jo­ǵa­ry deńgeıdegi da­ıyn­dy­ǵy men kúrdeli teh­nı­ka­lyq taqy­ryp­­tarǵa yntasy erek­she ekenin atap ótti.