Jalpy óńirde atalǵan ulttyq joba aıasynda 11 400 oqýshyǵa arnalǵan 14 mekteptiń qurylysy josparlanǵan. Onyń ekeýi byltyr ǵana paıdalanýǵa berilse, jańa oqý jylyna deıin taǵy 3 200 oryndyq tórt mektep balalardy qabyldaıdy. Sonyń biri – Aqtóbe qalasyndaǵy Saıajaı-1 turǵyn alabynda salynyp jatqan 300 oryndyq bilim ordasy.
«Bul mektep №50 mekteptegi oryn tapshylyǵy máselesin sheshýge kómektesedi. Sonymen qatar zamanaýı bilim berý mekemesi sońǵy tehnologııalarmen jabdyqtalyp, balalardyń jan-jaqty damýyna tolyq múmkindik beredi. Jalpy, «Keleshek mektepteri» jobasy arqyly jyl sońyna deıin úsh aýysymmen oqytý máselesi túbegeıli sheshiledi», dedi Q.Álishev.
Aıta keteıik, jańa mekteptiń qurylysy 2023 jyly bastalǵan. Jobanyń jalpy quny – 3,53 mlrd teńge, al mekteptiń aýdany – 6 059,77 sharshy metr. Qazirgi ýaqytta qurylys jumystarynyń 90 paıyzy aıaqtalyp, qajetti qural-jabdyqtar jetkizilip jatyr.
Sondaı-aq Májilis depýtaty Memlekettik satyp alý týraly zańyna engizilgen ózgerister týraly málimet berdi. Onyń aıtýynsha, EPC kelisimsharty qurylystaǵy keıbir olqylyqtardyń aldyn alady.
Halyq qalaýlysy Aqtóbe oblysyndaǵy «Jaısan» shekaralyq beketiniń jumysyn da kórip qaıtty. Buǵan qosa Mártók aýylynda boı kóterip jatqan órt sóndirý deposynyń qurylysyn aralady. Bul nysan da partııanyń Jol kartasyna sáıkes bıyl paıdalanýǵa berilýge tıis. Depýtat Shalqar aýdanyna qarasty Bozoı aýylynda jergilikti turǵyndarmen kezdesip, sport kesheni, mektep, jazǵy fýtbol alańy jáne jol qurylysy syndy ózekti máseleler boıynsha usynystardy tyńdady.
Al Májilis depýtattary Dúısenbaı Turǵanov pen Ádil Jubanovtar Atyraý oblysyna issapary aıasynda aımaqtaǵy «Karabatan utility solution» JShS elektr stansasynyń jumysymen tanysty. Qazirgi tańda qýaty 310 MVt elektr stansasynan KPI zaýyty tolyqtaı óz qýatyn alyp otyr. Aldaǵy ýaqytta jospar boıynsha taǵy eki úlken zaýyt osy stansaǵa qosylady. Sonymen qatar keıingi jyldary shaǵyn jáne orta kásip ıelerinen qýat kózin alýǵa ótinishter túse bastaǵan. Ol bastapqyda jobada bolmaǵandyqtan, osy máseleni sheshý úshin qýaty 165 MVt stansanyń tehnıkalyq-ekonomıkalyq negizdemesi daıyndalyp, saraptamadan ótken. Endi qarjy máselesi sheshilse, 2028–2029 jyldary iske qosylady dep josparlanyp otyr.
«Qyrkúıek aıynda jumys bastalǵanda osy máselelerdi kóterip, qoldaý kórsetip, qajet bolsa zańnamaǵa ózgerister engizemiz. Atyraýda iske qosylǵanyna 5 jyldaı ýaqyt bolǵan, arnaıy ekonomıkalyq aımaqqa arnalǵan elektr stansasy jumysymen tanystyq. Joba boıynsha zaýyt, birikken energo júıeleri, Batys Qazaqstan, Atyraý, Mańǵystaý oblystaryna energııa kózin berip otyrǵan stansaǵa keıingi jyldary shaǵyn jáne orta kásip ıelerinen suranys artyp, osyǵan oraı, qosalqy stansa qurylysyn qarjylandyrýǵa kómek suraıdy. Bul másele sheshimin tabady degen oıdamyz», dedi D.Turǵanov.
Negizi stansa óte qýatty elektr energııasyn beredi. Endi shaǵyn jáne orta kásip ıeleri úshin paıdalanýǵa jetkilikti deńgeıge túsiretin transformator qajet.
«Bul jer gaz-hımııa baǵytyndaǵy arnaıy ekonomıkalyq aımaq bolady dep quryldy, kásipkerlerdi de shaqyrdyq. Endi olar qarjysyn salyp, óndirisin ashýǵa elektr qýaty jetpese, bul bizge úlken syn. Qazirdiń ózinde osy jerde 20 MVt-ǵa suranys bar, ıaǵnı 12 jobaǵa nebári 1,1 mlrd teńge qarajat kerek. Arnaıy ekonomıkalyq aımaqta bos oryn jetedi», dedi Á.Jubanov.
Sonymen qatar májilismen, «Respublica» partııasy fraksııasynyń múshesi Dınara Naýmova Shymkent qalasyndaǵy №78 áıelder kolonııasyna, «О́rken» jeke qaıyrymdylyq qoryna jáne «Kómek» turmystyq zorlyq-zombylyq qurbandaryna kómek kórsetý ortalyǵyna bardy.
