Tergeý barysynda aýrýhananyń bas esepshisi medısınalyq kereýetterdiń satyp alý baǵasyn úsh esege kóterý arqyly memleket qarjysyn jymqyrǵany belgili boldy. Joǵary baǵany kózdegen ol jubaıy daıyndaǵan jalǵan baǵa usynystaryn qoldanypty. О́tkizilgen tenderdiń nátıjesinde seriktestik pen aýrýhana arasynda jalpy quny 259 mln teńgege 220 medısınalyq kereýet satyp alýǵa shart jasalǵan. Shartta bir kereýettiń baǵasy 1,2 mıllıon teńge dep kórsetilgen. Biraq shyn máninde onyń naqty satyp alý baǵasy 460 myń teńgeden aspaǵan, ıaǵnı kórsetilgen baǵadan úsh ese arzan bolǵan. Osylaısha negizsiz qosylǵan shyǵyn kólemi 129 mln teńge boldy.
Tergeý barysynda kúdiktilerdiń 111 mln teńge turatyn múlkine tyıym salynyp, memleketke keltirilgen 129 mln teńge kólemindegi zalal tolyq kólemde óteldi.
Bas esepshi 2 aı merzimge qamaýǵa alyndy. Qylmystyq is sotqa joldandy.
