Eshki sútinen sabyn óndirip otyrǵan Áıteke bı aýdanynyń jeke kásipkeri Gúljanat Jumabekova, Alǵa aýdanynyń qulpynaı ósirýshisi Jasmır Myrzagúl, shokolad qosylǵan qurt shyǵaratyn Alına Abdanbaeva, bal óndiretin jeke kásipker Nıkolaı Rovenskıı, buǵy múıizinen daıyndalǵan densaýlyqqa paıdaly ónimderimen tanymal Baný Tilegenova, taldan túrli buıym jasaıtyn Mártók aýdanynyń turǵyny Vıtalıı Zýbkov, túıe júninen sándi buıymdar ázirleıtin Amankúl Eshmaǵambetova, jantaq shóbiniń shaıyn shyǵaratyn Beket Qudaıbergenov, sút ónimderinen óńdep, túrli taǵam shyǵaratyn Aınur Bolysbaı men Nursulý Sataeva aldaǵy kúnderi óńirlik kásipkerlik palatasy janyndaǵy komıssııada óz jobalaryn qorǵaıdy. Olardyń arasynan ozǵan úsh jeńimpaz ishki jáne syrtqy naryqqa ónimderin shyǵarýǵa qoldaý alady.
«Qazaqstannyń úzdik taýary» jáne «Bir aýyl –bir ónim» konkýrsyna 80-nen astam jergilikti taýar óndirýshi qatysty. Otandyq ónimdi qoldaý men ulttyq brendimizdi qalyptastyrý maqsatynda qolǵa alynǵan jobaǵa qatysýǵa yqylas bildirýshiler qatary jylma-jyl artyp keledi. Arasyndaǵy básekege qabilettileri syrtqy naryqqa senimdi túrde shyǵyp jatyr. Túpki maqsatymyz –«Aqtóbede jasalǵan» degen markasy bar taýardy elimiz aýmaǵynda ǵana taratyp qoımaı, shetelderge de shyǵarý», deıdi óńirlik kásipkerler palatasynyń basshysy Dıdar Boranqulov.
