Foto: Týrızm jáne sport mınıstrligi
Qaraǵandy – Balqash avtojoly iske qosylyp, óńirdegi týrızm qarqyn aldy. Osy jyldyń 5-7 shilde aralyǵynda Balqash kóline 60 myńnan astam týrıst kelgen. Mınıstrlik dereginshe, ótken jyly jyl boıy Balqashqa barǵandar sany - 140 myń.
Balqashqa arnaıy barǵan mınıstr týrızmdi damytý sharalary elimizdegi barlyq týrıstik baǵytta júıeli túrde júrgizilýge tıis ekenin atap ótti.
«Týrıster men qala turǵyndaryna qolaıly jaǵdaı jasaý maqsatynda sapaly aýyzsýmen qamtamasyz etý jumystary júrgizilip jatyr. Atap aıtqanda, qalaishilik sý qubyrlary jelisi jańǵyrtylyp, kýrorttyq aımaqtar jańa magıstraldyq júıege qosylýda. Toranǵalyq jáne Shubartúbek aýyldarynda magıstraldy sý qubyryn salý jumystary bastaldy.
Shubartúbek aýylynda polısııa, tótenshe jaǵdaılar jáne medısınalyq qyzmetterdiń modýldik beketteri ornatyldy. Sondaı-aq sý aıdyndarynda qutqarýshylardyń kezekshiligi uıymdastyrylǵan», delingen Týrızm jáne sport mınıstrliginiń habarlamasynda.
Týrıstik aımaqta qonaqúılerdi sanaty boıynsha jikteý máselesi áli de ózekti. Qapshaǵaı men Alakóldegi jaǵdaı sııaqty, munda da sanaýly nysandar ǵana resmı túrde «juldyzdy» mártebesin alǵan. Bul qyzmet sapany jáne jaǵajaı men aınaladaǵy ınfraqurylymnyń jaı-kúıin baqylaýdy qıyndatyp otyr. Qazir bul másele zańnamaǵa engiziletin ózgerister aıasynda qaralyp jatyr.
Erbol Myrzabosynov máselege qatysty jergilikti atqarýshy organdarǵa tıisti tapsyrmalar berdi. О́ńirlik saparlar aıaqtalyp, anyqtalǵan kemshilikter joıylǵannan keıin tekserý jumystary qaıta júrgiziledi.
