Foto: Sý resýrstary jáne ırrıgasııa mınıstrligi
Naqty ataǵanda ekskavator-júktegishter, shynjyr tabandy ekskavatorlar, traktorlar, tirkemeler, sý tasıtyn kólikter, samosvaldar, avtokrandar, tartqyshtar, tirkemeli qural-jabdyqtar, dızeldi generatorlar jáne basqa da tehnıkalar jetkizildi.
Sý resýrstary jáne ırrıgasııa vıse-mınıstri Erbolat Ibraıhanov fılıal qaramaǵyndaǵy avtokólik pen arnaıy tehnıkanyń sany eki eseden asqanyn atap ótti.
«Tehnıkalar – Jambyl oblysyndaǵy sý sharýashylyǵy ınfraqurylymyn salý jáne rekonstrýksııalaý boıynsha iri jobalardy júzege asyrýǵa, sondaı-aq bıylǵy jáne aldaǵy sýarý maýsymdarynyń turaqty ótýin qamtamasyz etýge septigin tıgizedi», dedi vıse-mınıstr.
Aıta ketelik, qazirgi ýaqytta respýblıka boıynsha «Qazsýshar» RMK-nyń fılıaldaryn jańa tehnıkamen jabdyqtaý jalǵasyp jatyr. Búginge deıin kásiporyn fılıaldaryna josparlanǵan 757 arnaıy tehnıka men kóliktiń 400-den astamy jetkizilgen.
