Foto: informburo.kz
Biryńǵaı esepke alý júıesinde balanyń onlaın-kazınoǵa tirkelýge nemese bás tigýge tyrysqany týraly ata-analarǵa habarlama jiberý múmkindigi qarastyrylady.
«Bolashaqta júıe iske qosylǵannan keıin ony jetildirýge bolady. Normatıvtik-quqyqtyq jaǵynan tyıym bolmasa, biz de osy jóninde oılanamyz. Bul jaqsy ıdeıa. Eger kámeletke tolmaǵannyń akkaýntqa tirkelýge talpynysy tirkelse, bolashaqta mundaı fýnksııanyń qosylýy ábden múmkin. Ata-analardyń messendjerine «Ulyńyz tirkelýge tyrysty» degen habarlama jiberilýi múmkin. Ata-anasy balamen sóılesip túsindiredi. Biraq qazirgi tańda bizdiń basty mindetimiz – 21 jasqa tolmaǵandardy, qaryzy bar adamdardy, ózine shekteý qoıǵandardy jáne zań boıynsha bás tigýge ruqsat etilmeıtin basqa azamattardy júıege kirgizbeý. Keıinnen júıeni jetildiremiz», dedi Ádilet Turǵanbaev.
Podkastqa qatysqan Qarjy monıtorıngi agenttiginiń ókili de óz pikirin bildirdi.
«Bul óte jaqsy ıdeıa. Bireý balanyń akkaýntyn paıdalanyp tirkelmek bolsa, ata-analarǵa habarlama kelip, olar onymen sóılesedi», dedi Qarjylyq monıtorıng agenttiginiń Prevensııa basqarmasy basshysynyń orynbasary Dáýren Múlikov.
Sonymen qatar, Ádilet Turǵanbaev bolashaqta bul júıe dropperler máselesin de sheshe alatynyn atap ótti. Olar da basqa adamdardyń akkaýnttaryn paıdalanady. Onyń pikirinshe, ata-analarǵa jedel habarlama jiberý arqyly balalardy bul torǵa túspeýden saqtap, qylmystyq shemalarǵa qatysýynyń aldyn alýǵa bolady.
