“DENSAÝLYQ” JOLǴA ShYQTY

Keshe keshkisin Astana vokzalynyń perronyna jınalǵan jurttyń qarasy mol boldy. О́ıtkeni, vokzaldan arnaıy emdeý-dıagnostıkalyq “Densaýlyq” poıyzyn saparǵa attandyrý rásimi ótkizildi. “Qazaqstan temir joly” UK” AQ Tótenshe jaǵdaılar jáne Densaý­lyq saqtaý mınıstrlikterimen birlese uıymdastyrylǵan poıyz elimizdiń shalǵaı jatqan stansalary men razezderi turǵyndaryna qoljetimdi medısınalyq kómek kórsetýi tıis. Elimizdiń túkpir-túkpirinde tu­ratyn turǵyndar, temirjolshylar men olardyń otbasy músheleri bi­likti maman dárigerlerdiń kó­megimen qamtylmaqshy. Arnaýly poıyz tórt medısınalyq, eki ja­tyn, tamaqtanatyn jáne dári-dár­mek saqtaıtyn qoıma vagondardan turady. 25 medısına qyzmet­ke­ri­niń 13-i medbıke, qalǵany dá­ri­gerler. Munda kishigirim opera­sııa­lar jasaýǵa arnalǵan oryn da bar. Sondaı-aq ÝZI, endoskopııa qu­ral-jabdyqtarymen jáne arnaıy zerthanamen qamtamasyz etilgen. Bu­dan basqa nevropatolog, kar­dıo­log, okýlıst jáne stoma­tolog sııaqty medısına mamandarymen de qamtylǵan. Poıyzdyń bas dárigeri Syrym Ajǵalıevtiń aıtýynsha, Almaty vagon jóndeý zaýytynda jasalǵan vagondar german, japon óndiri­si­niń qazirgi zaman talabyna saı me­dısınalyq qural-jabdyqtarymen jaraqtandyrylypty. Vagondar aýa baptaǵysh, jyly sýmen, al medı­sınalyq vagondar sýdy qo­symsha zalalsyzdandyrý qural­da­rymen jabdyqtalypty. Ázirge sha­ra 120 táýlikke eseptelse, ol ke­lesi jyly da jalǵasyn tabýy múmkin. Shyǵaryp salý rásimine ar­naıy kelip qatysqan Premer-Mı­nıstr Kárim Másimov te óz só­zinde mundaı halyqqa qoljetimdi medısınalyq kómek kórsetýdiń sany arta túserin erekshe atap ót­ti. Qazir ol temir jol boıymen jú­­zege asyrylsa, aldaǵy kezen­derde mundaı sapaly medısına­lyq kómek áýe jáne avtomobıl kó­likterine ornatylǵan medısı­nalyq ortalyqtar arqyly shalǵaı aýdandarǵa jetetin bolady. Osy rette “Medısınalyq apattyń temirjoldyq gospıtali” AQ atyraýlyq fılıalynyń dırektory Shámil Muqashev ar­naýly poıyz eki maqsatta jasaq­talǵandyǵyna erekshe toqtaldy. Bos kezderde halyq densaýlyǵyn jaq­sartýǵa qyzmet jasasa, tóten­she jaǵdaılarda maqsatty qol­danylatyn bolady. Onyń sózine qaraǵanda, jaqyn bolashaqta poı­yzǵa spýtnıktik telemedısına or­ta­lyǵy ornatylyp, ol arqyly As­tana qalasy men oblys orta­lyq­ta­ryndaǵy professor, akade­mık­ter­den keńes alýǵa múmkindik týady. Budan basqa poıyz quramynda balalardyń oıyn alańdary – ba­týttar da bar bolyp shyqty. Son­daı-aq iri stansalarda qaıy­rym­dylyq as berý de ótkiziledi dep kú­tilýde. Aldymen arnaıy poıyz sol­tústik óńirdiń Aqmola, Qos­ta­naı, Pavlodar, Qaraǵandy jáne Semeı jol bólimsheleri aýma­ǵy­nan ótip, ary qaraı elimizdiń barlyq oblystaryna sapar shegedi. Sonyń barysynda 57 stansaǵa aıaldaıdy. Alǵashqy baǵdarynda 36 stansany qamtyp, 28500 adamǵa medısınalyq kómek kórsetedi dep kútilýde. Al ekinshi baǵdar boı­yn­sha 21 stansa qamtylyp, 14500 adam­ǵa osyndaı qoljetimdi medı­sı­nalyq kómek beriletin bolady. Asqar TURAPBAIULY. ASTANA.