Infografıkany jasaǵan Amangeldi Qııas, «EQ»
Oljas Bektenov qazirgi tańda shaǵyn jáne orta bıznestiń (ShOB) jalpy ishki ónimdegi úlesi 39%-dy quraıtynyn atap ótti. Onyń ishinde shaǵyn bıznestiń úlesi – 32%, al orta bıznestiń úlesi – 7%.
«15%-ǵa deıin jetkizý mindeti bar. Ol úshin memleket tarapynan birqatar qoldaý sharalary qarastyrylǵan. Onyń bárin iske asyramyz. Men jańa «Báıterek» holdıngi týraly aıtyp óttim. Sol sııaqty biz «Damý» qory janynan eki kepildik beretin qor qurdyq. Ol da óziniń oń áserin beredi dep oılaımyz. Biraq bul óte kúrdeli jáne óte mańyzdy másele. Eger biz orta bıznestiń tıisti úlesin qamtamasyz etsek, ol jalpy ekonomıkalyq ósimge, ekonomıkamyzdyń turaqtylyǵyna óte jaqsy áser etedi dep oılaımyz. Sondyqtan Úkimet, jergilikti atqarýshy organdar osy mindetti iske asyrý úshin ýaqtyly jumys istep jatyr», dedi Premer-mınıstr.
Úkimet basshysy orta bıznesti damytý – ekonomıkany ártaraptandyrý men turaqty ósimdi qamtamasyz etýdiń basty tetikteriniń biri ekenin aıtty.
