Foto: Oqu-agartu ministrligi
Joba aıasynda aýyldyq ınfraqurylymǵa erekshe nazar aýdarylyp otyr: paıdalanýǵa berilgen mektepterdiń 40%-dan astamy aýyldyq jerlerde ornalasqan. Oqýshylar sanyna baılanysty mektepter 300 orynnan 2 500 orynǵa deıin eseptelip salynady – bul jobalaýda naqty qajettilikterdi eskerý qaǵıdatyna negizdelgen.
Oqý-aǵartý mınıstrliginiń baspasóz qyzmetiniń málimdeýinshe geografııalyq ornalasýyna qaramastan shalǵaı eldi meken bolsa da, qala bolsa da barlyq mektepter biryńǵaı joǵary standarttarǵa saı salynady. Arhıtektýrasy, ınjenerlik sheshimderi men oqý ortasy qazirgi zaman talabyna tolyq sáıkes keledi jáne elimizde birtutas bilim keńistigin qalyptastyrýǵa yqpal etedi.
Jańa mektepterde oqýshylardyń qajettilikterine baǵyttalǵan yńǵaıly, qaýipsiz jáne ergonomıkalyq bilim berý keńistigi jasalǵan. Ǵımarattar burynǵy standarttarmen salystyrǵanda 15-20% keń, al tehnıkalyq jabdyqtalýy 4 ese artyq. Barlyq mektepter zamanaýı jıhazben jáne oqý quraldarymen tolyq qamtamasyz etilgen, qaýipsizdik sharalary kúsheıtilgen, bastaýysh jáne joǵary synyp oqýshylaryna arnalǵan bólek bloktar qarastyrylǵan.
