«Kópqabatty úıler qurylysynyń qarqyny joǵary. Shymsıtı, Turan, Bozaryq jańa shaǵyn aýdandary paıda boldy. Shaharda ındýstrıaldy aımaq pen kólik-logıstıkalyq ortalyqtardyń kóbeıýi ınfraqurylymdyq múmkindikterdi de kúsheıtti. Jol salý, gazdandyrý, aýyzsý tartý, basqa da ınjenerlik-kommýnıkasııalyq júıeler shetki eldi mekenderge deıin aparyldy», deıdi sarapshy.
Sondaı-aq arnaıy ekonomıkalyq aımaq san alýan kásiptiń damýyna súbeli úles qosyp otyr.
«Shymkentte óndiristik alańdardyń damý qarqyny óte joǵary. Máselen, kilem toqý fabrıkasy «Ońtústik» arnaıy ekonomıkalyq aımaǵynda ornalasqan. «Ońtústik» AEA jeńil ónerkásip salasyna arnap qurylǵan. Odan bólek, «Tassaı», «Ordabasy», «Juldyz» atty basqa da ındýstrıaldy aımaqtar bar. Ol jerde sapaly, jaqsy ónimder shyǵarylady. Shyny, alıýmınııden jasalatyn ydystar, keramogranıt buıymdar, jıhazdar, dári-dármek pen medısınalyq qurylǵylar óndiriledi. Jeńil ónerkásipte kilemmen birge shulyq, súlgi, tósektik oryn jamylǵylary toqylady. О́nerkásiptegi negizgi maqsat – ónimdi tolyqtaı ózimiz jasap, kóbirek shetelge eksporttaý. Onyń ishinde, ulttyq sýsyndardyń da eksportyn jolǵa qoıý qajet. Qala ekonomıkasyna jergilikti jáne sheteldik ınvestorlar birdeı qarjy quıyp jatyr. Bul megapolıs áleýetiniń artýyna zor múmkindik. О́nidiris damymaı, ekonomıka alǵa jyljymaıdy. Sol úshin qala ákimdigi otandyq, sheteldik ınvestısııalyq kompanııalarǵa birdeı ashyq. Investorlarǵa memleket tarapynan jaqsy jaǵdaı jasalǵan. Indýstrıaldy aımaqtan, kólik-logıstıkalyq ortalyǵynan jer telimderi beriledi, kásiporyn aýmaǵyna deıin ınfraqurylymdyq júıeler memleket esebinen tegin tartylady, kommýnaldyq qyzmet túrlerine arnaıy tarıf belgilengen, salyq boıynsha da kóptegen jeńildik bar. Sondyqtan Shymkentti kásipkerlerdiń bıznesin damytýǵa óte qolaıly qala deýge bolady», dedi T.Ysqaqov.
