Foto: primeminister.kz
Kúnbaǵys maıy, sıyr eti, qoı eti, kartop sekildi áleýmettik mańyzy bar taýarlarǵa baǵanyń ósýi baıqalyp otyr. Kúnbaǵys maıy boıynsha naqty sharalar qabyldanyp jatyr: 2024 jyly onyń óndirisi 15%-ǵa ulǵaıdy, bul – ishki qajettilikten eki ese kóp. Bıylǵy 6 aıda óndiris kólemi 388 myń tonnany quraǵan, bul – byltyrǵy sáıkes kezeńnen 21,3%-ǵa artyq. Qańtar-naýryz aılarynda 294 myń tonna maı eksporttalyp, osylaısha ótken jylmen salystyrǵanda ol 41%-ǵa artqan. Qazir jalpy qýattylyǵy 421 myń tonna bolatyn 5 iri qaıta óńdeý zaýytynyń qurylysy júrip jatyr.
Jıyn sońynda Premer-mınıstr Oljas Bektenov ınflıasııaǵa qarsy saıasat júıeli ári tıimdi bolýy tıis ekenin atap ótti. Qabyldanǵan sharalar boıynsha Úkimet pen Ulttyq bank kelise otyryp is-qımyl jasaý kerektiginiń mańyzdylyǵyna basa nazar aýdaryldy.
«Inflıasııany tómendetý mindeti óte mańyzdy jáne keshendi kózqarasty qajet etedi. Úkimet Ulttyq bankpen birlesip qabyldanǵan sharalardy júzege asyrýdy jalǵastyra bermek jáne maqsatty baǵdarlarǵa qol jetkizýge kezeń-kezeńimen umtylatyn bolady», dep atap ótti Premer-mınıstr.
