Mınıstrdiń aıtýynsha, bul tizim Migration.enbek.kz platformasynyń quramyna enedi. Joba sheteldegi mekemeler, «Otandastar» qory jáne dıasporalarmen birlesip júzege asyrylady.
Mundaı júıe etnıkalyq qazaqtarmen baılanysty kúsheıtip, tarıhı otanyna kóship kelgisi keletinderge qoldaý kórsetýge múmkindik beredi. Sondaı-aq bul bastama kóshi-qon saıasatyn reformalaýǵa baǵyttalǵan.
Mınıstrlik etnıkalyq repatrıasııany jetildirý aıasynda qandas mártebesi men qoldaý tetikterin qaıta qaraýǵa kirisken. Sonymen qatar qandastarǵa arnalǵan jeke «Qandas» sıfrly platformasyn iske qosý kózdelip otyr.
Jańa júıe shetelden kelgen qazaqtardy beıimdeýge kómektesip, olar úshin baspana, til úırený kýrstary, jańa mamandyq berý baǵdarlamalary, ıntegrasııany baqylaý sharalary iske qosylady.
Bul jumystardy úılestirý úshin arnaıy kóshi-qondy damytý ortalyǵy qurylady. Vedomstvo dereginshe, bul qurylymǵa qosymsha bıýdjet shyǵyndary qarastyrylmaıdy.
1991 jyldan beri Qazaqstanǵa 1,1 mıllıonnan astam etnıkalyq qazaq oraldy. Al bıyl jazda shetelden kelgen 150 qazaq balasy Býrabaıda demalyp, ana tilin men dástúrin úırenýge múmkindik aldy.
