Foto: Aqtaý qalasy ákimdigi
Bekzat Júsip 1989 jyly Mańǵystaý oblysyna qarasty Mańǵystaý aýdanynyń Ushtaǵan aýylynda dúnıege kelgen.
Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin, Qazaq ekonomıka, qarjy jáne halyqaralyq saýda ýnıversıtetin, Ulybrıtanııadaǵy Shyǵys Anglııa ýnıversıtetiniń magıstratýrasyn támamdaǵan. «Bolashaq» halyqaralyq baǵdarlamasynyń túlegi.
Eńbek jolyn 2006 jyly «Qazaqstan» RTRK» AQ Mańǵystaý oblystyq fılıalynda redaktor qyzmetinen bastaǵan.
2009-2013 jyldary respýblıkalyq telearnalarda jumys istegen.
2013-2016 jyldary – Qyzylorda oblysy ákiminiń baspasóz hatshysy – bas ınspektor.
2019-2021 jyldary – «Qazaqstan» RTRK» AQ Mańǵystaý oblystyq fılıalynyń dırektory.
2021-2022 jyldary QR Memlekettik hatshysynyń Hatshylyǵy meńgerýshisiniń orynbasary boldy.
2022-2023 – Premer-mınıstr keńsesi basshysynyń orynbasary.
2023-2024 – «Qazcontent» AQ basqarma tóraǵasy laýazymdarynda boldy.
