Qyzmet tegin usynylady jáne tek Ulttyq ulandaǵy áskerı qyzmetshilerge ǵana qoljetimdi. О́tinim toltyrylǵan kezde qyzmetkerdiń jumys orny týraly derekter aqparattyq júıeler arqyly rastalsa, anyqtama avtomatty túrde qalyptasady.
Qyzmetti paıdalaný úshin azamattar eGov.kz portalynda avtorızasııadan ótip, «Azamattarǵa», «Áskerı esep jáne qaýipsizdik», «Áskerı qyzmet» bólimderin tańdaý kerek. Sodan soń Ulttyq ulannyń «jumys ornynan anyqtama» qyzmetin tańdap, «Onlaın suraý» batyrmasyn basý qajet. Keıin «Kelesi» batyrmasyn basyp, ótinimdi qol qoıý tásilderiniń birimen rastaýǵa tıis. Al qyzmettiń nátıjesi paıdalanýshynyń Jeke kabınetinde «Qyzmetterdi alý tarıhy» bóliminde qoljetimdi bolady.
Eger ótinish berýshi Ulttyq ulannyń qatarynda bolmasa, júıe sebebin kórsete otyryp, bas tartý týraly jaýap beredi. Qujattyń qoldanylý merzimi – 10 kúntizbelik kún.
Qyzmet Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıteti, «Ulttyq aqparattyq tehnologııalar» AQ jáne Ulttyq ulanynyń birlesken jumysy nátıjesinde iske qosyldy.
