Foto: ashyq derekkóz
Aıtýly is-sharada tuńǵysh ret elektrodınamıkalyq aspadaǵy poıyzdyń aldyńǵy vagony jurt nazaryna usynyldy. Bul vagon ótkizgishtigi joǵary magnıtter negizinde jasalǵan. Onyń qurylymy úıkelisti azaıtyp, joǵary jyldamdyqta turaqtylyqty arttyrýǵa baǵyttalǵan.
О́ndirýshiniń málimeti boıynsha vagonnyń uzyndyǵy – 29,355 metr, eni – 3 metr, bıiktigi – 3,5 metr. Shanaǵy alıýmınıı qorytpasy men kómirtekti talshyqtan jasalǵan.
Joǵary jyldamdyqty poıyzdyń aspa júıesi tómen jyldamdyqta rezeńke dońǵalaqtarmen qozǵalýǵa múmkindik beredi. Alaıda 150 km/saǵ jyldamdyqqa jetkende ol magnıttik levıtasııa rejımine aýysady, bul qozǵalysty áldeqaıda tegis etedi.
Bul maglev poıyzdaryn CRRC kompanııasy Beıjiń, Shanhaı, Gýanchjoý jáne Ýhan sııaqty megapolıster arasynda qoldanýdy josparlaǵan kórinedi. Buıyrtsa ınfraqurylym qurylysy kelesi bes jylda bastalýy yqtımal. О́ıtkeni qazirgi ýaqytta joba men jol júıesi ázirlenip jatyr.
О́tken aıda Qytaı ınnovasııa ortalyǵynyń mamandary salmaǵy 1 100 kg bolatyn prototıpti synaqtan ótkizgen edi. 600 metrlik arnaıy telimde poıyz nebári 7 sekýndta 650 km/saǵ jyldamdyqqa jetip, tehnologııanyń áleýetin anyq kórsetip, dáleldep berdi.
Tıisti aqparattarǵa qaraǵanda, MODERN RAILWAYS 2025 kórmesine 14 elden 521 kompanııa qatysyp, 72 000-nan astam adam kelgen. Kórmede 30 000-nan astam eksponat, onyń ishinde 30 poıyz úlgisi kórsetilse, olardyń 22-sin CRRC kompanııasy tanystyrǵan.
Osynaý ǵalamat joba Qytaıdyń ushaqtarǵa balama joǵary jyldamdyqty kólik usynýǵa degen umtylysyn kórsetedi. Maglev poıyzdary jol ýaqytyn qysqartyp, ekologııaǵa túsetin salmaqty azaıtýǵa múmkindik beredi, ári orta qashyqtyqtaǵy baǵyttarda jolaýshylarǵa qolaıly bolmaq. Mundaı poıyz bizdiń elge jiberilse Astana men Almaty arasy eki-aq qadam bolady.
