Sýret: ult.kz
Qazaqstanda jastardy qoldaýdyń júıeli baǵdarlamasy júzege asyrylyp jatyr. Ol 2029 jylǵa deıingi Memlekettik jastar saıasaty tujyrymdamasyna negizdelgen. Bul tujyrymdamanyń basty ereksheligi – jastar úshin jumys isteý emes, jastarmen birge teń dárejede qyzmet etý. Qujat qazirgi zamanǵy syn-qaterler men jańa býynnyń suranystaryna saı beıimdelgen.
«Qazaqstan jastary – 2024» ulttyq baıandamasyna sáıkes, jastardyń basty suranystarynyń biri – baspanamen qamtamasyz etý. Osyǵan jaýap retinde Memleket basshysynyń tapsyrmasymen «Naýryz» jáne «Otaý» jeńildetilgen turǵyn úı baǵdarlamalary iske qosyldy. Bul bastamalarǵa 219,8 mlrd teńge bólindi. Qazirdiń ózinde 35 jasqa deıingi 5,4 myńnan asa azamat memlekettik qoldaýǵa ıe boldy.
«Jas Kenes Syilygy» atty bedeldi jastar syılyǵyna ótinim qabyldaý bastaldy. Sonymen qatar «Táýelsizdik urpaqtary» granty men «Daryn» memlekettik jastar syılyǵy sııaqty daryndy ári belsendi jastardy qoldaýǵa baǵyttalǵan mańyzdy baǵdarlamalar júzege asyrylyp keledi.
Jartyjyldyqtaǵy mańyzdy oqıǵalardyń biri – Almaty qalasynyń Ortalyq Azııa elderi boıynsha 2025 jylǵy Jastar astanasy atanýy. Bul – qalanyń jastar saıasatyn damytýǵa qosqan úlesiniń halyqaralyq deńgeıde baǵalanýy. Sondaı-aq Shanhaı yntymaqtastyq uıymyna múshe elderdiń jas kóshbasshylary men talanttarynyń kezdesýi ótpek. Bul is-shara jastar arasynda tájirıbe almasý men yntymaqtastyqty nyǵaıtýdyń alańyna aınalady.
2024-2026 jyldarǵa arnalǵan respýblıkalyq jastar uıymdarymen yntymaqtastyq jónindegi Jol kartasy aıasynda birqatar iri is-shara ótti. Atap aıtsaq, ASK Camp forýmy, «jas power talks», sondaı-aq «Jaıdarman» respýblıkalyq oıyndary uıymdastyryldy.
«Jasyl el» jastar eńbek jasaqtarynyń jańa maýsymy bastaldy. Onyń saltanatty ashylýy Aqtóbe qalasynda ótti. 2025 jyly 35 myńnan asa jas otandasymyzdy maýsymdyq jumyspen qamtý josparlanǵan, al birinshi jartyjyldyqta 14 myń jas ýaqytsha jumysqa ornalasty.
