Foto: Úkimettiń baspasóz qyzmeti
Kezdesýde Qazaqstan men Reseı arasyndaǵy strategııalyq áriptestik pen odaqtastyqqa negizdelgen tyǵyz jáne syndarly yntymaqtastyqtyń joǵary deńgeıi atap ótildi. Aıta keteıik, 2024 jyly eki el arasyndaǵy taýar aınalymy $27,8 mlrd-ty qurasa, 2025 jyldyń alǵashqy bes aıynda bul kórsetkish $9,6 mlrd bolǵan.
«Memleketter basshylarynyń tapsyrmasy boıynsha biz ózara saýda kólemin $30 mlrd-qa deıin ulǵaıtý boıynsha maqsatty jumys júrgizip jatyrmyz. Investısııalyq yntymaqtastyqta zor múmkindikter bar. Jalpy, ekijaqty ózara is-qımyl máseleleriniń keń aýqymyn sheshýde yntymaqtastyq jónindegi úkimetaralyq komıssııanyń tıimdi qyzmetin atap ótkim keledi», dedi Oljas Bektenov.
Sondaı-aq taraptar bıylǵy kúzde Oral qalasynda ótetin Qazaqstan men Reseıdiń XXI О́ńiraralyq yntymaqtastyq forýmyna daıyndyq barysyn pysyqtady.
Kezdesý sońynda qos tarap ekijaqty ekonomıkalyq yntymaqtastyqty barlyq basym baǵyttar boıynsha odan ári tereńdetýge nıetti ekenderin rastady.
