SAŃLAQTARǴA SERPIN BERGEN SPARTAKIADA

Elbasy N.Á.Nazarbaev óziniń el halqyna arnaǵan Joldaýynda “Deni saý ult” ınfraqurylymdyq baǵdarlamasyn kótere otyryp, onyń ómirsheńdigin alǵa tartqan edi jáne “Atqarýshy bıliktiń jańa stadıondar men sport keshenderin, balalarǵa arnalǵan jáne basqa da sport alańdaryn salý men eskilerin jańartý arqyly barlyq jastaǵy adamdardyń sportpen shuǵyldanýyna, ózderiniń boı­laryn sergek ustaýyna, sóıtip, ómir jas­taryn uzartýǵa jaǵdaı jasaýy qajet”, dep sport pen dene shynyqtyrý sala­syna erekshe mańyz berip atap ót­kendigi barshamyzǵa aıan. Osy baǵytty iske asyrýdyń bir kórinisi retinde Qara­ǵandy oblysy, Nura aýdanynda ótken “Saryarqa – 2010” jazǵy oıyndaryn aıtýǵa bolady. “Saryarqa – 2010” jazǵy oıyndar spar­takıadasy bıyl ózindik erekshelik­terge toly boldy. Atalmysh sharany Parlament Senatynyń depýtaty Oralbaı Ábdikárimov, Májilis depýtaty Daýylbaı Qusaıynov bastaǵan óńir azamattary tamashalasa, ashylý salta­naty toǵyz aýdannyń sporttaǵy saıyp­qyrandary jetken jetistikterin aıtý­men bastalyp, aýdan ákimi S.Shaıdarov, oblys ákiminiń orynbasary T.Raqym­bekov, Týrızm jáne sport mınıstrligi Sport komıtetiniń tóraǵasy Elsııar Qa­naǵatov quttyqtaý sózderin sport súıer qaýymǵa joldady. Budan soń ar­naıy tigilgen kostıýmderin kıgen 700-ge tarta jas­ bir mezette ulttyq naqyshta “Qara jorǵa” bıin bılep, teatrlan­dyrylǵan qoıylym kórsetse, onyń sońy mereke­lik otshashý­ǵa ulasty. Bul synda Nura aýdany 1-oryndy ıelendi. Shyńǵys MYRZAHMET, L.N.Gýmılev atyndaǵy Eýrazııa ulttyq ýnıversıtetiniń stýdenti.