Foto: Astana ákimdigi
Jýyrda ǵana dıplom alǵan 18 jasar jigittiń qazirdiń ózinde tutynýshylary kóp. Ol ártúrli zamanaýı desertterdi, kondıterlik ónimderdi óz qolymen daıyndap, erekshe dámimen daralanyp júr. Onyń osy salaǵa degen qyzyǵýshylyǵy bala kúninen bastaý alypty. 16 jasynan bastap eńbekke aralasqan ol qazaq tilin jetik meńgergen.
Jas mamannyń jetistigine erekshe qýanyp júrgen jandardyń biri – kolledjdegi alǵashqy kýratory. Qazir sol ustazymen birge bir mekemede eńbek etip júrgen K.Savelev endi joǵary oqý ornyna túsip, kásibı deńgeıin odan ári damytýdy kózdep otyr.
Shetelge shyǵyp, álemdik deńgeıdegi kondıterlik mektepterde tájirıbe almasýdy maqsat etken ol – qazaq jastarynyń bilim men kásipti qatar ıgerip, eńbek naryǵyna erkin beıimdele alatynyn dáleldegen jas maman.
«Jas maman retinde óz isine adal, sheberligi jyldan-jylǵa artyp keledi. Biz úshin Kırıll – úlgili túlek», deıdi kolledj ustazdary.
