Foto: Sý resýrstary jáne ırrıgasııa mınıstrligi
Qyzylorda oblysynda «Qazsýshardyń» jergilikti fılıaly dıqandarmen sý berý boıynsha 1 015 kelisimshart jasasqan. Búginde oblysta 126,6 myń gektar jer sýarylyp, jalpy sý jiberý kólemi 2,766 mlrd tekshe metrdi qurap otyr.
Túrkistan oblysynda sý paıdalaný kólemi – 3,01 mlrd tekshe metr, al sýarylǵan alqaptardyń aýdany – 367,9 myń ga. «Qazsýshardyń» jergilikti fılıaly sharýalarmen sý berý boıynsha 9 608 shart jasasqan. Egis alqaptaryn qosymsha sý kólemimen qamtamasyz etý úshin Saýran aýdanynda 72 tik drenajdy uńǵyma paıdalanýǵa berilse, Ordabasy aýdanynda 17 tik drenajdy uńǵyma jóndelgen.
Jetisý oblysynda búginde sý berýge 7 492 shart jasalǵan. О́ńirdegi jalpy sý alý kólemi shamamen 673 mln tekshe metr, vegetasııa kezeńi bastalǵaly beri 103,8 myń ga jer sýarylǵan. Sonymen qatar 17 myń gektarǵa ylǵaldandyrý jumysy júrgizildi.
Jambyl oblysynda sý alý kólemi – 588,6 mln tekshe metr, sýarylǵan egistik kólemi – 66,6 myń gektar, sý berý boıynsha 3 872 kelisimshart jasalǵan.
Almaty oblysynda naqty sý alý 631,4 mln tekshe metr. Vegetasııa kezeńi bastalǵannan beri óńirde 128,4 myń ga jer sýarylǵan. Kásiporyn sý berý boıynsha 2 740 kelisimshart jasasqan.
Egis alqaptaryna sýdy tıimdirek jetkizý úshin elimizdiń barlyq oblysyndaǵy «Qazsýshar» fılıaldary tarapynan 780 km ırrıgasııalyq kanalǵa mehanıkalyq tazartý júrgizilgen. Sondaı-aq 78 gıdrotehnıkalyq nysan jóndelgen.
