Mektep • 29 Shilde, 2025

«Keleshek mektepteriniń» qurylys barysyn tekserdi

60 ret

kórsetildi

2 mın

oqý úshin

Premer-mınıstrdiń birinshi orynbasary Roman Sklıar Astana qalasynyń ákimi Jeńis Qasymbekpen jáne Oqý-aǵartý mınıstri Ǵanı Beısembaevpen birge «Keleshek mektepteri» ulttyq jobasy aıasynda birqatar qurylys alańdaryn aralady. Maqsat – bilim berý salasyndaǵy úsh aýysymdy oqytýdy jáne mektepterdiń shamadan tys tolyp ketýin joıýǵa baǵyttalǵan mańyzdy ınfraqurylymdyq jobalardyń biri – «Keleshek mektepteri» jobasynyń júzege asý barysymen tanysý.

Abaı AIMAǴAMBET

«Keleshek mektepteriniń» qurylys barysyn tekserdi

Inspeksııalyq sapar aıasynda delegasııa shilde-tamyz aılarynda qurylysy aıaqtalatyn bes mektepke bardy. Olar – Almaty aýdanyndaǵy M.Tólebaev pen Býrabaı kósheleriniń qıylysyndaǵy merdiger «Bazis Construction» JShS salyp jatqan 2 myń oryndyq mektep, Sh.Qudaıberdiuly dańǵyly men I.Jansúgiruly kóshesi qıylysyndaǵy merdiger «NAK Construction» JShS salyp jatqan 2 myń oryndyq mektep, Baıqońyr aýdanyndaǵy «Egemen Qazaqstan» men A.Imanov kóshelerindegi merdiger «Bazis Construction» JShS salyp jatqan 2 myń oryndyq mektep, Nura aýdany E30, E751, E796 kóshelerindegi merdiger «Integra Construction KZ» JShS salyp jatqan 2 myń oryndyq mektep, Nura aýdany Uly dala dańǵyly men Ellıngton-16 kóshesi janyńdaǵy merdiger «Integra Construction KZ» JShS salyp jatqan 2 myń oryndyq mektep.

2025 jyly Astana qalasynda 14 myń oqýshyǵa arnalǵan 7 keleshek mektebiniń qurylysy aıaqtalady dep josparlanyp otyr. Bul eki aýysymdy jáne 7 shamadan tys tolǵan mektepterdiń máselesin sheshýge múmkindik beredi. Jalpy alǵanda, 2024–2025 jyldary elordada bir aýysymda oqytylatyn 42 400 orynǵa arnalǵan 23 mektep salynady.

«Keleshek mektepteri» jobasy aıasynda elimizdiń bilim berý ınfraqurylymy aýqymdy túrde jańǵyrtylyp jatyr. Ol árbir bala úshin zamanaýı, qaýipsiz jáne qoljetimdi bilim berý keńistigin qurýdy qamtamasyz etedi.