Foto: Ashyq derekkóz
TJD málimetinshe, maýsym-shilde aılarynda aptap ystyqqa baılanysty sýǵa shomylý jıilep, 5 adam qaza tapqan.
«Jaz mezgilinde qaýipsizdik erejelerin saqtamaý saldarynan 5 adam sýǵa batyp ketti. Onyń ishinde 3 bala bar. Jaıyq ózeni boıynda jáne basqa da sý aıdyndarynda qaýipsizdikti qamtamasyz etý maqsatynda kúndelikti reıdter jalǵasyp jatyr», dedi TJD tótenshe jaǵdaılardy joıý basqarmasynyń bastyǵy, azamattyq qorǵaý maıory Jantóre Demeshov.
Sáýirde qutqarýshylar eki eresek adamdy, al mamyrda bir balany sýdan aman alyp qalǵan.
Aıta keteıik, 2025 jyldyń maýsym-shildesinde júrgizilgen profılaktıkalyq reıdter barysynda QR ÁQBtK 412-babyna sáıkes 83 adamǵa ákimshilik hattama toltyrylǵan.
Esterińizge sala keteıik, 2024 jyly óńirde 9 adam sýǵa ketip qaza tapqan, olardyń tórteýi – bala. Atyraý oblysynyń TJD turǵyndardy óz qaýipsizdigine muqııat bolýǵa jáne sýdaǵy qaýipsizdik erejelerin qatań ustanýǵa shaqyrady.
