Temirjoldyń tehnıka tasymaldaý múmkindigi

Sabaqtyń praktıkalyq bóligi úsh oqý núktesinde júrgizildi. Áskerı komendant, podpolkovnık Ashat Asqarulynyń basshy­lyǵymen jeke quramǵa tehnıkany kúzetýge taǵaıyndalǵan qara­ýyldyń mindetteri, ártúrli jaǵdaıda áreket etý tártibi, son­daı-aq áskerı júkterdi tasymal­daý kezinde olardy kúzetý­diń erek­shelikteri túsindirilip, kór­se­tildi. Sondaı-aq komendatýra ofı­serleri qatysýshylarǵa jol júrý qujattaryn resimdeý tártibin jáne temirjol stansalarynda aıaldaý erejelerin túsindirdi.

«Sabaq barysynda basty nazar tehnıkany platformalarǵa tıeý kezindegi qaýipsizdik talapta­ryna, ony durys bekitý men ja­sy­rý erejelerine aýdaryldy. Mun­daı sabaqtar áskerdiń jaýyn­ger­lik daıarlyǵyn arttyrýǵa jáne bó­limshelerdi qaıta ornalas­tyrý men tehnıkany tasymaldaý barysyn­da bolatyn kidiristerdi boldyrmaý­ǵa yqpal etedi. Áskerı qyzmetshi­ler qajetti tájirıbe jınaqtap, bar­lyq qyzyqtyrǵan suraqtaryna jaýaptar aldy. Qo­ıyl­ǵan mindet­ter tolyq oryndal­dy», dedi podpolkovnık Ashat Asqaruly.

Sabaq barysynda avto­kólik­terdi temirjol platformalary men vagondarǵa tıeý men túsirý, tehnıkany bekitý jáne ony búrkeme­leý jumystary kórsetildi. Erekshe nazar aýdarar­lyq jaıt – kóshpeli qaraýyl uıashyqtarynyń zama­naýı jab­dyq­talýy boldy. Endi ol kún panelderimen qamtamasyz etiledi. Bul óz kezeginde úzdiksiz elektr qýatymen qamtamasyz etýge múm­kindik beredi.

Mamandardyń aıtýynsha, áskerı nysandardyń jańasha jab­dyqtaýǵa kóshýi – búgingi zaman talaby. Álemde áskerı modernızasııa óris alyp jatyr. Qazirgi tehnologııa damyǵan qo­ǵamda bul sala da kóshten qalmaý kerek. Sebebi jańa dáýirmen qabattasyp órkendeý qorǵanys salasyna jańa múmkindikter syılaıdy. Ǵalam úlken ózgeris aldynda tur. Búginde sıfrlyq tehnologııa, robottehnıka, jasandy ıntelleket adam ómiriniń ajyramas bóligine aınalyp úlgerdi. Endigi jerde keleshekti bul tehnologııalarsyz elestetý múmkin emes. О́z kezeginde ásker salasyna da robottandyrylǵan tehnıkalar men jasandy ıntel­lek­tini jappaı engizý úrdisi bas­taldy. Álemde búginde bolyp jat­­qan túrli qaqtyǵys zamanaýı­ teh­nıkaǵa súıengen áskerdiń qan­­daı múmkindigi joǵary ekenin kór­se­tedi. Sondyqtan mamandar elimizdiń áskerı kúsh-qýaty jańa tehnologııalarmen jabdyqta­lý­ǵa tıis ekenin aıtady. Al olardy meń­gergen sarbazdy tárbıeleý­diń de mańyzdylyǵy óte joǵary. Qazirgi zamanǵy qazaq jasaǵynyń áskerı daıyndyǵy fızıkalyq dene tárbıesimen birge eń sońǵy úlgi­degi tehnıkalardy ıgergen aqyl-oı parasatymen de ólshenýge tıis. Osy talap údesinen shyqpaı, myqty ásker jasaqtaý múmkin emes. Mine, osy maqsatqa oraı megapolıstegi áskerı bólimderdiń jaýyngerlerin tehnıkalardy meńgerýge, olardy tasymaldap kútip ustaýǵa úıre­tip jatyr. Sonymen birge Altaıdan Atyraý­ǵa deıingi atyrapty alyp jatqan keń dalanyń bir qıyrynan ekin­shi shetine áskerdi jetkizý úshin de áleýetti logıstıka qajet. Al tehnıka tasymaldaýdyń múmkindigin iske asyratyn, árıne, temirjol qyz­meti. Sol sebepti, tehnıkany jyldam ári tııanaqty túrde vagondar men platformalarǵa tıeý arnaıy daıyndyqtan ótken jasaq­tyń basty min­deti bolyp sanala­dy. Tehnıka tıeı­tin jaýyngerlerdi osy bir kúrdeli iske baýlyp, she­berligin shyńdaý – áskerı qyz­met ma­mandarynyń negizgi jumysy. Olardyń aıtýynsha, árbir tehnıka baǵaly. Sondyqtan ony kútip ustaý, tasymaldaý kezinde saqtyq sharalaryna kóńil bólip, barlyq qaýipsizdik erejelerin buljyt­paı oryndaý – árbir jaýynger men qorǵanys salasy qyzmetkerleri­niń aınymas paryzy. Osy oraıda tıisti áskerı bólim búgingi tańda álem­niń ár túkpirinde bolyp jatqan qarý­ly qaqtyǵystardy eskere kele, áskerı jattyǵýlardyń barynsha shynaıy jaǵdaıǵa jaqyn bolýyna nazar ­aýdaryp otyr.

Áskerı sarapshy­lardyń pikiri­nshe, búginde maıdan dalasynda urys júrgizý­diń ádis-tásili tolyqtaı ózgergen. Bu­rynǵydaı adam sanymen jaýdy jeńý strategııasy qazir eskirgen. Osy kúnde zamanaýı áskerı teh­nıka men belgilengen núktege jyldam ári dál túsetin atys qarýlary jeńis­ke bastaıdy. Munymen qosa, joǵary­da aıtylyp ótkendeı, shaıqas ala­ńy­na úzdiksiz qarý quraldary men teh­nıkalaryn jetkizip turý úshin logıs­tıka óte mańyzdy ról oı­naıdy. Jaý shebin jalańash qal­dyrmaý osy áskerı tasymal sala­synyń múltiksiz qyzmetine baı­lanysty. Osy sebepti garnızon basshylyǵy sarbazdardyń óz mindetin sapaly atqarýǵa barynsha kóńil bóledi. Sol úshin jyl saıyn kóptegen áskerı jattyǵý turaq­ty ótkizilip turady. Bul shynaıy jan­jal týyndaı qalǵan jaǵdaıda jaýyngerlerdiń aspaı-saspaı, óz jumysyn minsiz ári kásibı turǵyda atqarýy úshin qajet.

Sarapshylardyń pikirinshe, memlekettiń qorǵanys salasyn kúsheıtip jatqany qýantady. Osy tusta jańa qarý men tehnıkalar satyp alýdan bólek, olardy ózimizde jasaýǵa den qoıa bastaǵanymyz kóńilge medet syılaıdy. Qaı eldiń áskerı ónerkásiptik kesheni órkendese, sonyń áskeri myqty degen sóz. Iаǵnı shynaıy soǵys jaǵdaıynda syrttan ákelgen qarýǵa súıenip otyrý múmkin emes. Otandyq áskerı tehnologııa men ónerkásip salasy damymasa, jeńis týyn jelbiretý qaı elge bolsa da qıyn.

Al maqalanyń basynda aıtyp ótkenimizdeı, qaraýyl uıashyq­ta­ry­nyń kún panelderimen jab­dyq­talyp, turaqty elektr energııasymen qamtamasyz etilýi Qazaqstan áskeriniń zamanaýı damý jolyna qaraı baǵyt alǵanyn aıǵaqtaıdy.