Al Qazaqstan namysyn ulttyq irikteýden ótken:
- Astana qalasyndaǵy NZM 11 synyp oqýshysy Turǵanbaeva Tamıla;
- Qostanaı qalasyndaǵy fızıka-matematıka lıseıiniń 9 synyp oqýshysy Igzekova Alına;
- Astanadaǵy Flagman jeke mektebiniń 7-synyp Baımýhambetova Arýjan;
- Almaty qalasyndaǵy Respýblıkalyq fızıka-matematıka mektebiniń 9 synyp oqýshysy Isaeva Anıta qorǵady.
Komanda Adına Magavına men Temirlan Satylhanov jetekshilik etken.
Bıylǵy jyly Qazaqstan quramasy olımpıadanyń uıymdastyrý komıtetimen resmı túrde bekitilgen Astanadan qashyqtaǵy formatta EGOI-ge qatysty. Barlyq raýnd halyqaralyq jarys standarttaryna tolyq sáıkes, EGOI uıymdastyrýshylarynyń baqylaýymen ótti.
Alǵash ret qatysqan saıytary bolǵanyna qaramastan Tamıla Turǵanbaeva men Arýjan Baımuhambetova eki qola medalge qol jetkizdi.
«Qyzdarymyzdyń halyqaralyq olımpıadadaǵy jeńisi jaı ǵana medal emes. Bul Qazaqstanda joǵary tehnologııalar salasynda álemdik deńgeıde básekege túsýge daıyn daryndy oqýshy qyzdardyń ósip kele jatqanynyń dáleli. Sporttyq baǵdarlamalaý federasııasy aldaǵy ýaqytta da elimizdiń túkpir-túkpirindegi balalarǵa múmkindikter jasap, jańa urpaqty IT-tehnologııalar jolyna túsýge shabyttandyrady», dedi Qazaqstan sport baǵdarlamasynyń prezıdenti Baǵdat Mýsın.
Taǵy bir mańyzdy nátıje Qazaqstannyń resmı túrde tanylýy boldy. 2026 jyldan bastap el EGOI-ge qatysatyn resmı elderdiń tizimine enetin bolady. Bul Olımpıadanyń Bas Assambleıasynda tórt jyl boıy Qazaqstannyń múddesin dáıekti túrde qorǵaǵan komanda jetekshileriniń uzaq jylǵy eńbeginiń nátıjesi.
Aıta keteıik, ınformatıkadan qyzdardyń Eýropalyq olımpıadasy – ınformatıkany oqýda qyzdardy qoldaýǵa jáne IT salasyndaǵy genderlik alshaqtyqty joıýǵa baǵyttalǵan jyl saıyn uıymdastyrylatyn halyqaralyq jarys. Qazaqstan EGOI-ge 2021 jyldan beri qatysyp keledi jáne Federasııanyń júıeli jumysynyń arqasynda jas baǵdarlamashylardyń tolqyny qalyptasyp keledi.
