Foto: OKQ
«Shegirtkege qarsy ýaqytyly jáne sapaly kúres sharalaryn uıymdastyrý – eldiń azyq-túlik qaýipsizdigin qamtamasyz etýdegi basym baǵyttardyń biri. Bıyl úıirli shegirtkelerge qarsy 2,7 mln gektar aýmaqta qorǵaý sharalary júrgizildi. Bul ótken jylmen salystyrǵanda 400 myń gektarǵa az. Búginde barlyq óńirlerde óńdeý tolyq aıaqtaldy», dedi spıker.
Monıtorıng tıimdiligin arttyrý maqsatynda zertteýlerge 4625 maman jumyldyrylǵan, bul 2024 jyldan eki ese kóp. Sondaı-aq ázirlengen Jol kartasy júzege asyryldy.
Jalpy 443 arnaıy tehnıka, sonyń ishinde 24 jeńil avıasııa ushaǵy, 31 asa jeńil avıasııa tehnıkasy, 49 agrodron paıdalanylǵan.
О́ńdeý barysynda qoldanylǵan barlyq preparattar joǵary bıologııalyq tıimdilikke ıe ári qaýipsizdik talaptaryna sáıkes bolǵan.
Reseı, О́zbekstan, Qyrǵyzstan jáne Qytaımen birlesken zertteýler, onlaın-keńester jáne shegirtkeniń taralýy boıynsha derekter almasý turaqty túrde júrgizilip otyrdy.
Shara qorytyndysy boıynsha aýyl sharýashylyǵy daqyldarynyń zaqymdanýyna, sondaı-aq shegirtkeniń kórshi memleketterdiń shekaralas aýmaqtaryna kóshýine jol berilmegen.
