Foto: gov.kz
Reıd barysynda mamandar birneshe mańyzdy máselege nazar aýdardy. Atap aıtqanda órt qaýipsizdigi erejeleriniń saqtalýy, sanıtarlyq talaptardyń oryndalýy jáne salyqtyq esep berýdiń durystyǵyn tekserdi.
Kásipkerlerge saýda oryndarynda tazalyqty saqtaý, evakýasııalyq shyǵý joldarynyń ashyq bolýyn qamtamasyz etý, onlaın-TKM (tekserý-kassalyq mashına) qoldaný jáne jeke tulǵalar arasyndaǵy banktik aýdarymdar arqyly esep aıyrysýdan bas tartý qajettigi eskertildi. Eske salsaq, mundaı operasııalarǵa Salyq kodeksiniń 166-babyna sáıkes kásipkerlik qyzmette tyıym salynǵan.
Sonymen qatar, reıd barysynda jeke derekter máselesi de qozǵaldy. Saýda ókilderine banktik kartalar arqyly esep aıyrysý kezinde tutynýshylardyń jeke derekterin berýge nemese taratýǵa jol berilmeıtini aıtyldy.
«Maqsatymyz – aıyppul salý emes, eskertý. Biz kásipkerlerdiń erejelerdi bilip, jaýapkershilikti túsingenin jáne qatelikke jol bermeýin qalaımyz. Mundaı reıdter zańnamadaǵy mańyzdy jańashyldyqtardy sol jerde túsindirip, bul bıznestiń qaýipsizdigi men tabysyna tikeleı áser etetinin kórsetýge kómektesedi. Osylaısha jurtshylyqtyń aqparattandyrý deńgeıin arttyrý jáne qaýipsizdikti qamtamasyz etý», dedi Astana qalalyq ınvestısııalar jáne kásipkerlikti damytý basqarma basshysynyń orynbasary Maqsat Janabaev.
