ÚI MÁSELESI: ALA ALASYŃ BA, ÁLDE JOQ PA?!

Qazirgi tańda halyqtyń ara­synda áleýmettik sala, onyń ishinde memlekettik jáne jalǵa beriletin pá­terler máselesi qyzý talqyǵa tú­sip júr. Oǵan osy páterlerdi bólý kezinde jiberilgen túrli zańsyz­dyqtar sebep bolýda. Keshe “Nur Otan” HDP Ortalyq apparatynda Jemqorlyqpen kúres jónindegi respýblıkalyq qoǵamdyq keńestiń 16-shy otyrysynda osy másele jan-jaqty saralandy. Basqosýǵa Parlament depýtattary, Bas pro­ký­ratýra, Qarjy polısııasy, Qarjy mınıstrligi, Qurylys jáne tuǵyn úı-kommýnaldyq sharýashylyq isteri jónindegi agenttik jáne BAQ ókilderi qatysty. Otyrys barysynda saraptama­lyq komıssııa músheleri Astana, Almaty qalalary men Pavlodar, Oń­tústik Qazaqstan oblystary boı­ynsha memlekettik turǵyn úı qo­ry­nan bólingen páterlerdi taratý má­se­leleri boıynsha taldaý ná­tıje­lerin talqylady. Buǵan bılik par­tııasynyń qoǵamdyq qabyldaý bó­lim­derine túsken shaǵymdar sebep bol­ǵan kórinedi. Jıynǵa qatysqan komıssııa ókilderiniń aıtýynsha, turǵyn úı qurylysyn damytýdyń 2008-2010 jyldarǵa arnalǵan mem­lekettik baǵdarlamasyn júzege asy­rý boıynsha keıbir tekserilgen óń­ir­ler jumysy talapqa saı kel­meıdi eken. Mundaı qorytyndyǵa kelýge jergilikti atqarýshy organ­dar ma­man­­darynyń óreskel zań buzýshy­lyq­­tarǵa jol bergendigi de túrtki bolypty. Máselen, Pavlodar oblysynda “Qalalyq kom­mýnaldyq sharýashy­lyǵy” memlekettik kásiporny arqyly kóp páter kezeksiz tara­tyl­ǵan eken. Iаǵnı, tıisti baqy­laý­dyń joqtyǵynan bul azamattardyń teń jartysy eshqandaı zańdy qujatsyz baspanaǵa or­nalasqan bolyp shyqty. Buǵan qosa, arnaıy júr­gizilgen zertteý nátıjesi boı­yn­sha bul kásiporynnyń balan­synda jataqhanadan bólingen 42 bólme bar ekendigi de anyqtalǵan. Sol sekildi Ońtústik Qazaqstan ob­lysynyń Arys qalasy men Or­da­basy, Saryaǵash, Saıram, Maq­ta­aral aýdandarynda da páter berý ke­zinde eshqandaı kezektiń saqtal­maǵany belgili bolyp otyr. Máse­len, Saıram aýdanynda 2010 jyl­ǵa deıin baspanaǵa zárý azamat­tardy kezekke qoıý jumysy júıesiz júrgizilgen. Buǵan aýdandyq kom­mý­naldyq sharýashylyq bólimi qyz­met­kerle­riniń 5 páterdiń kimge tap­syryl­ǵany jóninde qujatty kórsete almaǵandyǵy sebep bolǵan kórinedi. Otyrysta osy másele boıynsha oı-pikirlerin jetkizgen komıssııa músheleri baspana berý kezindegi zańsyzdyqtar Almaty qalasynda da tirkelgendigin alǵa tartty. Bul jer­de de turǵyn úı komıssııasy qu­ryl­maǵan, baspana alýǵa kezekke tur­ǵan azamat­tardyń tizimi túzil­megen. Al eń kóp zań buzýshylyq Astana qalasynda anyqtalypty. Munda sońǵy eki jyl ishinde páterge muqtaj jandar kezegi eki esege deıin artyp ketken. Basqosý kezinde sóz alǵan “Nur Otan” HDP Tóra­ǵasynyń birinshi orynbasary Nurlan Nyǵmatýlın atalǵan máseleniń ózektiligine toq­tala kele, turǵyn úı salasyndaǵy tártip buzýshylyq pen zańsyz­dyq­tardy júıeli túrde sheshý qajet­tigin atap kórsetti. Otyrys sońynda keńes múshe­le­ri mundaı zań­syzdyqtar jemqor­lyqtyń keńinen etek alýyna jol ashady, sondyqtan, ony bir júıege keltirý qajettigin atap aıtty. Ja­qyn kúnderi atalǵan qala, oblystar boıynsha jınaqtalǵan barlyq málimetter Úkimetke jáne tıisti qu­­qyq qorǵaý organdaryna jiberiledi. Láıla EDILQYZY.