foto: ashyq derekkóz
Departamenttiń málimetine súıensek, memlekettik kásiporyndardyń qyzmetine monopolııaǵa qarsy organnyń kelisiminsiz qyzmet túrlerin qurý, keńeıtý nemese ózgertý, sondaı-aq kelisilmegen qyzmet túrlerin júzege asyrý faktilerin anyqtaý maqsatynda monıtorıng júrgizildi. Monıtorıng qorytyndysymen zań buzýshylyq anyqtaldy.
«Memlekettik kásiporyndar monopolııaǵa qarsy organnyń kelisimin almaı, mádenıet jáne bilim berý salasynda qosymsha aqyly qyzmetter kórsetip kelgen. Atalǵan saladaǵy negizgi másele – memlekettik mekemelerdiń qosymsha aqyly qyzmet kórsetýi arqyly adal básekelestik qaǵıdalaryn buzýy. Bul jeke kásipkerlerdiń múmkindigin shektep, damýyna kedergi keltiredi. Memlekettik uıymdardyń básekelestik orta men taýar naryǵyna mundaı aralasýy bıznestiń múddesin shektep qana qoımaı, memlekettik resýrstardy tıimdi paıdalanýǵa keri áserin tıgizedi. Monopolııaǵa qarsy zańnamany buzýdyń ekonomıkalyq qana emes, áleýmettik saldary da bar», dep habarlady óńirlik departamentten.
