Qoǵam • 11 Tamyz, 2025

Bıyl 28 myńnan astam jumyskerdiń quqyǵy qorǵalǵan

40 ret

kórsetildi

1 mın

oqý úshin

Memlekettik eńbek ınspektorlary bıylǵy 1 tamyzdaǵy jaǵdaı boıynsha respýblıkanyń 239 kásiporny 3,5 myńnan astam jumyskerge 1,3 mlrd teńgege jalaqy boıynsha bereshek ekenin jáne túrli uıymdarda júrgizilgen tekserýler barysynda eńbek quqyǵy buzylýynyń 4 myńnan astam faktisin anyqtaǵan, dep jazady Egemen.kz.

Shyńǵys MUQAEV

Bıyl 28 myńnan astam jumyskerdiń quqyǵy qorǵalǵan

Foto: Eńbek jáne halyqty áleýmettik qorǵaý mınıstrligi

Jalaqy boıynsha bereshegi jáne eńbek quqyǵynyń buzylýy anyqtalǵan kásiporyndardyń basshylaryna oryndaýǵa mindetti 2 287 uıǵarym berildi jáne 277 mln teńgeden astam somaǵa aıyppul salyndy.

Jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 3,4 myńnan astam jumyskerdiń quqyqtary qorǵalyp, olarǵa 1,1 mlrd teńge tólengen.

Eńbek jáne halyqty áleýmettik qorǵaý mınıstrliginiń málimetinshe 1 tamyzdaǵy derekter boıynsha memlekettik eńbek ınspektorlary 3 514 tekserý júrgizý barysynda 4 132 buzýshylyq anyqtalǵan, onyń ishinde: eńbek salasynda – 3 465; eńbek qaýipsizdigi jáne eńbekti qorǵaý boıynsha – 648; halyqty jumyspen qamtý boıynsha – 19.

Qabyldanǵan sharalardyń nátıjesinde 25 myń jumyskerdiń eńbek quqyǵy qorǵalǵan.