Qyzylordada probasııa esebinde turǵan sottalǵan azamat elektrondy baqylaý qurylǵysyn mas kúıinde úzip tastaǵany úshin jazasynyń qalǵan bóligin túrmede óteıtin boldy.
Qyzylorda qalalyq probasııa qyzmetinde tirkeýde turǵan R. esimdi azamat QR Qylmystyq kodeksiniń 188-baby 3-bóliginiń 3-tarmaǵy boıynsha kináli dep tanylyp, 3 jyl 6 aı merzimge bas bostandyǵyn shekteý jazasyna kesilgen. Oǵan probasııalyq baqylaý ornatylyp, elektrondy bilezik taǵylǵan edi.
Alaıda ol sot belgilegen mindetterdi júıeli túrde oryndamaı, jazany óteý tártibin birneshe ret buzǵan. Probasııa qyzmetkerleriniń tórt ret bergen eskertýine de qulaq aspaǵan.
– Bul azamat jazany óteý tártibin birneshe márte buzdy. Sonyń ústine mas kúıinde bolyp, elektrondy qurylǵysyn óz erkimen úzip tastaǵan. Júrgizilgen tárbıelik sharalar nátıje bermegen soń, is materıaldary sotqa joldandy. Sot qaýlysymen jazasynyń ótelmegen bóligi – 1 jyl 8 aıy – bas bostandyǵynan aıyrý jazasyna aýystyrylyp, QAJD mekemesine jiberildi. Jyl basynan beri jazany óteý tártibin birneshe ret buzǵan 18 sottalǵan mekemege jiberildi, – dedi mekeme qyzmetkeri Gúlnur Baısarıeva.
