Jıynǵa Jánibek jáne Qaztalov aýdandarynan áskerı mindetti 206 azamat tartylǵan. Qaztalov aýdanynyń ákimi Aslanbek Sarqulovtyń aıtýynsha, bul shara el qorǵanysyn nyǵaıtyp, jastardyń boıynda patrıottyq rýhty kóterý maqsatynda ótkizilip otyr.
- Búgin aýdanymyz úshin erekshe mánge ıe shara bastaldy. Aýmaqtyq áskerı-taktıkalyq oqý-jattyǵý – beıbit kúnde de el qorǵanysyn oılaıtyn, Otan aldyndaǵy boryshyn abyroımen atqarýǵa daıyn azamattardyń birligin, erik-jigerin, kásibı daıarlyǵyn shyńdaıtyn mańyzdy kezeń. Memleket basshysy atap ótkendeı, el qaýipsizdigi – árbir qazaqstandyqtyń qasıetti paryzy. Osy turǵydan alǵanda, búgingi jattyǵýlar tek áskerı mashyqty jetildirýmen shektelmeıdi, ol – bizdiń ortaq Otanymyzǵa degen súıispenshiliktiń, jaýapkershiliktiń aıqyn kórinisi. Biz beıbit ómirdiń baǵasyn bilemiz. Biraq beıbitshilikti saqtaý – kúshti qorǵanys qabiletine, myqty rýh pen temirdeı tártipke negizdeledi. Ult qaharmany Baýyrjan Momyshuly aıtqandaı: «Tártipsiz el bolmaıdy, tártipke bas ıgen qul bolmaıdy». Bul sóz – árbir sarbazdyń jadynda berik saqtalýy tıis ósıet, – dedi aýdan ákimi.
Oqý-jattyǵý kezinde áskerı mindetti jastar áskerı bilimin jetildirip, taktıkalyq mashyǵyn shyńdaıdy jáne tótenshe jaǵdaılarda is-qımyl jasaý qabiletin arttyrady.
Jıynǵa qatysýshylar aýyldyq okrýgterden aýdan ortalyǵyna jetkizilgen. Qorǵanys isi jónindegi bólim arqyly barlyq uıymdastyrý jumysy úılesip jatyr. Tolyq quram qajetti jabdyqtarmen qamtamasyz etilgen.
