Semınardyń maqsaty – kásipkerlik qaýymdastyqqa jańa Salyq kodeksinde kózdelgen salyqtyq ákimshilendirýdegi negizgi ózgeristerdi jetkizý, aldaǵy ózgeristerdiń máni men mańyzdylyǵy jáne olardyń bıznes pen jalpy ekonomıkanyń turaqty damýyna áseri týraly ortaq túsinik qalyptastyrý boldy.
Ulytaý oblysy – taý-ken jáne metallýrgııa salasynyń jetekshi kásiporyndary shoǵyrlanǵan, strategııalyq mańyzy joǵary ónerkásiptik óńir. Kazakhmys korporasııasy men Jáırem taý-ken baıytý kombınaty syndy iri salyq tóleýshiler bıýdjet kiris bóligin qalyptastyrýda aıtarlyqtaı ról atqarady.
Túsindirmelerdi QR QM Memlekettik kirister komıtetiniń tóraǵa orynbasary Jánibek Nurjanov, QR QM Memlekettik kirister komıtetiniń Ádisteme departamentiniń dırektory Oraz Abdrahmanov júrgizdi. Is-sharanyń moderatory Ulytaý oblysy Kásipkerler palatasynyń dırektory Gúlmıra Qajenova.
О́z sózderinde Memlekettik kirister komıtetiniń ókilderi jańa Salyq kodeksinde kózdelgen tujyrymdamalyq tásilderdi jan-jaqty tanystyryp, qosylǵan qun salyǵyn ákimshilendirý tártibin jetildirý, korporatıvtik tabys salyǵy men QQS boıynsha saralanǵan mólsherlemelerdi engizý, salyqtyq rásimderdi sıfrlandyrý jáne taldamalyq quraldardy kúsheıtý, eseptilik pen salyqtyq jeńildikter júıesin ońtaılandyrý jáne beırezıdentter men jer qoınaýyn paıdalanýshylardy salyq salý júıesin jańǵyrtý sııaqty máselelerge basa nazar aýdardy.
Talqylanǵan ózgerister salyq júıesiniń ashyqtyǵyn, tıimdiligin jáne ádildigin arttyrýǵa, sondaı-aq memleket pen bıznes arasyndaǵy dıalogty nyǵaıtýǵa baǵyttalǵan.
Memlekettik kirister komıteti salyq tóleýshilerdi salyq zańnamasyndaǵy ózgerister týraly habardar etý jáne iskerlik qaýymdastyq ókilderimen ashyq dıalogty qamtamasyz etý boıynsha jumystaryn jalǵastyrady.
Semınar barysynda qatysýshylar shaǵyn jáne orta bıznesti qamtıtyn salyq zańnamasyndaǵy negizgi ózgeristerdi tereńirek túsindi.
Dıfferensıaldy salyq stavkalary, progressıvti jeke tabys salyǵy stavkalary, QQS reformasy, «Baılyq salyǵyn» engizý jáne Salyqtyq arnaıy rejımder men avanstyq tólemderdi ózgertý máseleleri talqylandy.
Shaǵyn jáne orta bıznespen kezdesý tek paıdaly aqparattyń kózi ǵana emes, sonymen qatar shaǵyn jáne orta bıznestiń aldynda turǵan ózekti máselelerdi talqylaý alańy boldy.
Ulytaý oblysy
