Tekserý nátıjesi boıynsha quqyq buzǵan barlyq azamat ákimshilik jaýapkershilikke tartyldy. Olarǵa jalpy somasy shamamen 600 myń teńge kóleminde aıyppul salyndy. Sonymen qatar basseındik ınspeksııa mamandary óńirdiń sharýalary arasynda túsindirý jumystaryn júrgizip jatyr.
– Basseındik ınspeksııalardyń barlyǵy sýdy paıdalaný zańnamasynyń buzylýyna jol bermeý úshin turaqty túrde monıtorıng júrgizedi. Sondaı-aq bıyl maýsym aıynda qabyldanǵan sýarmaly sýdy paıdalaný erejeleri, arnaıy sý paıdalaný ruqsatyn alý jáne sý únemdeý tehnologııalaryna kóshý qajettiligi boıynsha sý paıdalanýshylarmen túsindirý jumystary júrgizilip jatyr, – dedi Ertis basseındik ınspeksııasynyń basshysy Medet Jádigeruly.
Zańsyz sý paıdalaný máselesimen kúresý úshin Sý resýrstary jáne ırrıgasııa mınıstrligi birqatar shara qabyldaǵanyn eske sala keteıik. Onyń ishinde sý zańnamasyn buzǵandarǵa jaýapkershilikti kúsheıtý jáne sýarmaly sýdy paıdalaný erejeleri bar. Bul erejelerge sáıkes, tıisti kelisimshartsyz sý tutynǵany nemese sý jetkizýshimen kelispeı egis daqyldarynyń túrin ózgertkeni úshin aıyppul salynady.
Pavlodar oblysy
