Sýret: sknews.kz
Daıyn ýchaskelerdi aralap, tonnel, qazý jáne jol tóseý tehnologııasymen, sondaı-aq qurylys qarqynymen tanysqan senator jańa metro stansalary Almatynyń kólik keptelisin retke keltiretinine senimdi.
«Almaty kóshelerindegi keptelister qala turǵyndarynyń ýaqytyn alary sózsiz. Metro bul júktemeniń edáýir bóligin azaıtyp, qalanyń túrli aýdandaryna jyldam ári qolaıly qatynaýdy qamtamasyz etedi. Bul jaı ǵana ınfraqurylymdyq joba emes, ol megapolıstiń ómir sapasy men ekonomıkalyq belsendiligine tikeleı áser etetin qadam», dedi S.Mákejanov.
Sondaı-aq senator Almaty qalasy Qoǵamdyq keńesiniń tóraǵasymen kezdesip, qalanyń áleýmettik-ekonomıkalyq damýynyń negizgi máselelerin, turǵyndardyń ómir sapasyn arttyrý sharalaryn, sondaı-aq jedel sheshýdi qajet etetin problemalardy talqylady.
Budan bólek, «Áleýmettik qyzmetter úıine» baryp, áleýmettik qyzmetter sapasyn arttyrýǵa, halyqty qoldaý júıesin damytýǵa jáne áleýmettik damý baǵdarlamalaryn iske asyrýǵa baǵyttalǵan mekemeniń qyzmetin kórdi. Qala turǵyndarymen kezdesý barysynda senator turǵyn úı-kommýnaldyq sharýashylyǵy, jumyspen qamtý, bilim berý jáne densaýlyq saqtaý máselelerin talqylap, usynystaryn tyńdady. Ol bılik pen azamattardyń tıimdi ózara is-qımyly ózekti máselelerge naqty ári ýaqtyly sheshim tabýǵa múmkindik beretinin aıtty.
